蔡一鳳今年9月9日在赤柱住宅發現工作兩星期女傭Narcelles Liverty Villanueva，被解僱後在檢查行李時跌出一枚屬於蔡一鳳價值10萬元約5卡的橄欖石戒指，家中CCTV拍下畫面，即報警處理，案件昨日開審，被告否認盜竊罪。
昨日在庭上控方提供兩條飯廳CCTV片段，被質疑連貫性，今日法庭傳召當日處理案件男警員作供，他表示在案法後要求控方提供案情有關CCTV，包括一開始執行李，至偷戒指都要包括在內，當時蔡一鳳指完成後會給警方。直至15日後警方才收到控方提供CCTV片段，他解釋：「控方指因技術運作問題，要在雲端下載，要每分鐘下載，加上佢工作繁忙。」
蔡一鳳今早10時多到達法院再作供，被辯方律師問到9月7日是否曾投訴女傭刮花家中名牌銀器匙羹？蔡一鳳說：「唔記得時間，但有呢件事，唔止匙羹，係全部銀器。」蔡一鳳沒有要求傭人作出賠償：「佢反指控係另一工作好耐嘅工人姐姐，我叫佢哋兩人自己傾，之後兩個工人嘈交，被告叫我check cam 睇邊個刮花。」再重提記唔記得被告行李有棉花、濕紙巾、化妝品？蔡一鳳說：「有紙巾雜物，唔記得全部。只記得粒戒指石好大粒，引起我注意。」
午後被告接受律師提問，她繼續否認控罪，期間播出揭發被告疑偷竊畫面時，她情緒激動落淚，經5分鐘休庭後再作供。案件最終決定12月31號早上再次審理，被告需還押候審。
蔡一鳳一連兩日傳召作供完畢，離開法院時略現疲態指昨晚回家累得冇胃口，今日主要來補充作供，雖然未知案件何時正式了結，最重要保障香港雇主權益：「若果我唔作證，佢可能好快又可以返嚟，唔想再有下一個受害人。」並自爆曾縱容偷竊女傭：「曾經有個工人偷過我紅酒，當時補錢俾佢走，點知佢好快可以返香港，仲喺我屋企對面工作，好擔心會有下一個苦主，所以要有啲正義感，咁樣嘅工人姐姐唔應該喺香港工作，打官司都花緊納稅人嘅錢，我有義務出嚟做呢件事。」
蔡一鳳驚嘆前女傭偷竊後不認罪：「當場睇到都唔認，仲好快搵到律師申請保釋，咁多人幫手，作為雇主都覺得唔夠佢嚟，咁多支援咁勁，感覺唔簡單。」幸好事件沒有影響蔡一鳳過聖誕節心情，今晚在家中和家人食大餐過平安夜。
【案件編號：ESCC1919/2020】
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
