本港武漢肺炎疫情持續，今日增加103宗確診，是第四波疫情以來第二次破百，疫情第四波因歌舞群組而急速擴散，歌舞群組累計567宗確診，未想到林作連日狙擊母親王莉妮，卻引起大陸當局關注，林作擺阿媽Lily上枱，指她來自跳舞群組，又指她走佬返大陸，更說她在隔離期有特權，搞到Lily差點出不到關。
林作今日在facebook留言：「我冇預過內地都咁關注我，差啲搞到媽媽添，唔好意思！再次重申，並未(不)跳舞群組成員！我媽媽唔跳舞，亦冇同跳舞嘅人玩！」
事後林作接受《蘋果》電話訪問，坦言未想過事件會在大陸引來迴響。他續說：「咁我阿媽最後都出返嚟，而家人喺深圳，佢話香港疫情嚴重咗，過關返大陸都冇之前咁易，所以有排都唔會返落嚟囉！」講到自己為阿媽添麻煩。林作解釋：「咁佢真係識好多跳舞嘅人喎，我亦見過佢跳舞，加上佢從未作出澄清，咁我都係合理懷疑啫。」
提到件事在大陸發酵，林作估計因為之前「裸跑」新聞在大陸有人轉載，加上他和裕美及阿媽的三角關係，令他在大陸多人留意，「今次單嘢都係阿媽啲朋友喺新聞網站轉載畀我哋睇先知」。
事緣於11月25日，忽然在社交網屈阿媽，一時在IG指「老母啲friend即跳舞群組班友導致香港再次淪陷」，一時林作又稱阿媽醒目收到風，所以「走咗佬」在大陸風流快活，林作更圖文並茂稱阿媽不用到達大陸兩星酒店隔離，反而在大陸豪宅居家隔離，「據調查顯示，林作老母並未在內地隔離滿14日。莫非，有人就係有特權，富人就係能人所不能？莫非，仍然有人能夠馬照跑舞照跳」，暗指阿媽享有「特權」。
講得似層層咁，結果搞到阿媽一身蟻，差點被大陸要求延長隔離期，幸好林母今日順利完成14日隔離期出關，她即跟林作抱怨「因為你出來的新聞，差點唔批我出來，你已經紅遍大陸」。
早在11月30日，前有線新聞之花張寶華已在facebook批評林母不負責任，又公開呼籲特首要有行動，嚴懲不負責的人，事後林作見自己玩大咗，已急急代母澄清「林作講笑咋，媽媽從未跳舞。扮吓嘢抽吓水，大家切勿太認真。阿仔鍾意玩嘢，絕無逃走」。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
