周柏豪自從由「港獨豪」變成娛圈新一代「藍神」後，政治取態被網民洗板式狂批他投機取巧，風吹邊面去邊面，其IG fans人數亦由最初未表忠的151萬，截至今日急瀉到147萬。不過柏豪跪地表態前，相信早已立定主意投奔大陸市場，早前他在表忠節目前，便已預先知會商台，明年１月１日的叱咤樂壇頒獎禮，將會因為「有工作在身」不能出席，有網民指他可能是擔心自己和商台政治取向不一，為避風頭索性缺席no show。
周柏豪對商台的頒獎禮避之則吉，不過對沒有太多政治包袱的新城頒獎禮卻無任歡迎。今日下午3點，周柏豪現身葵涌工業大廈的頒獎禮現場，而今次亦是他表忠後第一次現身。現場傳媒嘗試叫停他做訪問，不過記者越嗌他越走，未有停低，之後他對着眾人微笑及揮一揮手，便直上工業大廈。而他最後憑歌曲《劫後餘生》奪勁爆歌曲及奪得勁爆男歌手奬兩個「份量」十足的獎項，好威威！
他領獎時先多謝公司和fans，之後似有感而發說：「做咩都好，最緊要係屋企人開心平安，冇嘢重要得過呢樣嘢！」而和他同奪兩個獎項的陳柏宇和許廷鏗分別都有唱自己的攞獎歌曲，大會卻未有安排周柏豪唱得獎歌。當大會宣佈他得獎時，網民在facebook留言鬧爆，新城即封鎖了留言功能，對於柏豪冇份唱歌。新城回覆網民表示：「因為信號故障，剛才FB live中斷了，現在重開一個FB live。」完騷後，周柏豪離開時表現輕鬆，問他早前所發表的「孝順媽咪」論引起好大迴響？他說：「我唔評論啦，多謝你哋。」再問到是否因為新城電台頒獎禮在私人地方舉行，因此決定出席？他說：「唔關事，呢個係責任嚟嘅。」至於商台叱咤頒獎禮會否出席？他表示當日要拍劇，未能抽空出席。然後一直保持笑容和在場傳媒揮手道別，並登上七人車離開。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
