「有米千金」劉思希入行9 年，近年成為TVB 御用醜角。家住半山雍景臺3000 萬豪宅的她，平日生活十分「貼地」。日前，《壹仔》見到劉思希單拖去平民cafe 食晏，手上戴住一隻超巨型鑽戒，目測至少有5卡，80萬走唔甩！除了晒巨鑽，她手上更拎住一個超搶眼的黃色Hermès Lindy 包包，價值約6萬。戴住成層樓的首期，劉思希同一班打公仔一齊排隊食晏，真係⋯⋯夠晒「貼地」喇！
TVB專做醜角
TVB專做醜角
11 年選港姐入行，劉思希雖然三甲不入，但因為貌似前TVB藝員廖安麗，所以被傳媒封為「young版廖安麗」。論樣貌，劉思希的確唔夠出眾，初出道時更被網民取笑膠面兼大細鼻窿，似整容失敗。不過，劉思希勝在豁出去，在TVB 9年，專造醜角兼騎呢角色。其中在劇集《迷》中，扮演「牙肉妹」，被網民激讚夠晒醜。之後在《丫鬟大聯盟》，飾演放蕩千金，演技再一次獲讚賞。17年，更有機會參演處境劇《愛。回家之開心速遞》，同羅鴻發展「爺孫戀」，成功入屋。
「貼地」富家女
「貼地」富家女
貴為富家千金，雖然平時周身名牌，但劉思希的日常生活都非常「貼地」。《壹仔》曾經見過她出入搭地鐵，又幫襯街邊檔。雖然行為好「貼地」，不過身上的行頭就呃唔到人！日前《壹仔》又見她著到靚靚，到了一間平民cafe 。撞正lunch hours ，劉思希唔介意同一班打工仔一樣，在門口排隊等位。
晒5 卡巨鑽
晒5 卡巨鑽
坐低之後，劉思希第一時間消毒雙手，之後就全程都做低頭族，不停篤電話。一路篤，手上的戒指一路閃。目測至少5 卡的方型石，加埋色澤同閃耀程度，價值約80 萬。除了巨鑽，劉思希當日更拎住一個Hermes Lindy ，約6 萬。戴住成層樓的首期去幫襯平民Cafe，就正如她擁有學霸成績，但堅持留在TVB捱騾仔一樣。- 去年，劉思希一邊拍劇一邊完成科大全球排名第一嘅EMBA 課程，最後以8A成績畢業。
手持6000萬地舖
手持6000萬地舖 曾經在美國西北大學、林肯大學修讀行政管理同工商管理雙學士課程。去年，劉思希再下一成，一邊拍劇一邊完成科大全球排名第一嘅EMBA 課程，最後以8A成績畢業。有高學歷，加上爸爸在澳門做貿易生意，除了家住半山3000萬豪宅。18 年，她以公司名義，用5,968 萬買入北角春秧街地舖，現市值超過6,000萬。據知，地舖是由劉思希家人打本，作投資用途。既是工商管理人才，屋企又大把貨，但劉思希就堅持留在TVb ，做二、三缐角色，月入都唔夠2萬。其實呢啲係咪「有錢就任性」呢？
----------------------------
按此訂購「壹週刊 X 勁揪體 2021 和你壹起撐住香港」月曆
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所」
來源 source: http://nextplus.nextmedia.com
|
鍾意就快D Share啦！
|
|
|
