愛犬疑剝17隻牙致盲眼 李思雅自責沒多查詢寵物醫院
愛狗之人的李思雅，於社交網大爆遇上無良獸醫，原本愛犬視力正常變失明，而且剝掉17隻牙，令她十分自責，並指TVB《東張西望》也報道過這店。
李思雅稱最近狗狗亦中招，本來以為小事，隨便帶隻狗去睇牙，「點知個醫生又話佢腎有事，要留院吊鹽水，又要我喺佢醫院買一堆配方糧，又話佢可能要剝牙，總之未剝牙就已經要你洗（使）一筆錢，之後剝牙再逐隻計。咁我就問醫生：佢啲牙嚴唔嚴重，估計要剝幾多隻，佢完全唔肯答我，只係話一定要洗咗牙先決定到，狗狗洗牙要全身麻醉，麻醉左（咗）隻狗狗佢要我即時決定要幫佢剝17隻牙，又話有啲人就係嫌貴唔捨得剝咁多隻，搞到之後又要再麻醉隻狗多一次，即係辛苦多一次，咁我唯有相信醫生，剝咗17隻牙只係剩返4隻，仲要呢4隻牙都係上顎，下顎冇晒牙，咁點食嘢？咁都未算慘！手術前我仲同狗狗行山，佢完全睇到嘢，視力正常冇問題！點知做完呢一個剝牙手術，兩隻眼完全盲咗，一啲野都睇唔到。」
李思雅表示詢問過好多醫學界朋友，好大機會愛犬一次過剝17隻牙，失血過多，而且體溫太低，導致雙眼神經視網膜受損而失明。她說：「我真係好唔安樂…我唔知道剝牙可以搞到咁嚴重，以為只係小事，冇再去多幾間寵物醫院查詢」，她自責謂可能狗狗可能根本不用剝17隻牙及弄盲雙眼，想借此提醒大家一定要小心選擇動物醫院。
來源 source: http://hd.stheadline.com
|
鍾意就快D Share啦！
|
|
|
