入行超過三十年的蔡一傑，走過人生高山低谷，唱歌跳舞早已是他最強標記，但原來傑少看家本領，還煮得一手上得大枱的好菜，去年開設個人頻道「傑少煮意」，將隱藏多年深厚的廚藝大公開，以貼地生活化一面展現下廚功架，火速攻陷網民省靚招牌！疫境自強，蔡一傑毋忘初心，計劃年底舉行他的首次個人演唱會，不過籌備三年的精心傑作，遺憾髮型師戰友Jacky Ma離世，未能與他分享這個第一次！他硬咽説：「佢嘅離開，我係好傷心！」回看2020年，他慨嘆世事無常，一年間更失去十位好友！
蔡一傑可說是草蜢當中對歌唱事業最專一的一個，當蘇老闆（蘇志威）早年已大搞西裝生意又開舞蹈學校，蔡一智兼顧設計工作曾與葛民輝合組Double X Workshop 設計公司，傑少依然故我專注他最愛的唱歌、跳舞、打碟。直至去年才首次轉營新嘗試，開設個人頻道「傑少煮意」教煮餸，大家才驚嘆他是煮食高手。突然晉身廚藝界，他坦言是無心插柳！純粹抱住和大眾分享的心態！
同蔡一智輪流做家務
同蔡一智輪流做家務
在觀塘屋邨長大的他，自言家境不富裕，從小已經學識照顧自己，做家務下廚成為他生活的日常，小時候放學回家，和哥哥蔡一智分工合作，雖然一邊做功課一邊做家務，他自言不覺辛苦，兒時的回憶至今仍津津樂道。「其實我咁多兄弟姊妹都識煮嘢嘅，可能屋企唔係好富裕，所以屋企嘅大小事務，由抹窗、抹地乜嘢都要去做，大家輪流去做，嗰時我同蔡一智，一、三、五你抹窗我洗碗， 二、四、六就到我抹窗你洗碗，到抹地時候就一齊抹，有好多兒時嘅回憶。」- 蔡一傑直言多得媽咪熏陶因而熱愛下廚，六歲已和媽咪合力煮八人飯餸的他，每道家庭菜都有著不少童年珍貴回憶。
廚藝得媽媽真傳
廚藝得媽媽真傳
六歲已經跟媽咪入廚煮八人飯餸的他，從小熱愛下廚，傑少精湛的廚藝與下廚心得，便來自媽媽真傳，傑大廚就是這樣煉成的。「細細個我成日跟媽咪去買餸，返嚟之後就睇住媽咪點做菜，我自己就喺側邊幫手，醃下肉！遞吓碟！切吓嘢！唔多唔少係畀我媽咪熏陶嘅！」做得唔好會怪自己
做得唔好會怪自己
從媽咪身上學到的不僅是出色的廚藝，還學到要用心做好每件事。雖然開頻道教煮的都是他手到拿來的家庭菜，但傑少堅持完美，會不斷鑽研新煮法，預備功夫絕不偷工減料，由落區走入街市揀買靚食材，到細膩的刀功與下廚每個步驟，他事事親力親為。他透露早前為準備一個喇沙湯底，便花了五小時去調較醬料。「如果有啲餸菜我唔係經常煮，我係需要去Practice 一吓，因為我唔想拍出嚟冇咁好睇，令自己心情冇咁愉快，可能我係唯美主義者，如果當有啲嘢唔係咁靚，我又會覺得點解會咁嘅呢，就會怪自己，一怪自己，心情就會差，可能呢啲係水瓶座特質，所以希望每一次工作都係開心嘅，我做出嚟嘅嘢，人哋亦會感受到我嘅快樂。」- 去年一月於YouTube開設個人頻道「傑少煮意」教煮餸，傑少教的都是貼地家庭菜，加上其精湛廚藝與及多年的下廚心得搶fo ，推出不久已深得網民喜愛，一條片閒閒哋有幾十萬點擊，令他變網紅廚神。
- 追求完美的蔡一傑，由落區買餸到下廚的每個步驟，都堅持親力親為，坦言絕不會假手工人姐姐。他說：「因為如果有啲地方做錯咗，係一子錯，滿盤皆落索，唔可以返轉頭。」那份執着與堅持，證明成功並非僥倖！
難忘六歲媽咪孭住行街市
難忘六歲媽咪孭住行街市 烹調一碟簡單的家庭菜式，包含著他兒時最珍貴的回憶和味道，傑少更難忘六歲時媽咪孭住他行街市買餸，不辭勞苦只為怕他會踩到街市內的水氹整污糟對腳，媽媽那份愛錫兒子的細心，是他難以忘懷的樂事。「經常跟媽咪去買餸，喺嗰個年代，我又好細個，應該差唔多6歲，嗰時街市啲地方好濕滑，唔係好似依家啲街市咁靚，係一氹氹水，啲檔販就兩排咁排晒喺度，我阿媽仲要挽住啲餸籃，佢就孭住我喺一邊行，其實我都係幾大個，但佢只不過唔想我踩到水氹！
「我就如是者，一邊行緊之際，嘩！呢個橙幾好喎！我就一手攞住，我阿媽都唔知，我就喺後面一邊剝嚟食！」
做最真實的蔡一傑 轉眼「傑少煮意」創立已經一周年，堅持用最真實一面去煮餸，貼地生活化已成為傑少的個人風格。「我覺得廚房就應該好多嘢係雜亂嘅，因為我平時喺屋企就係咁煮，生活化啲，唔使話咁作狀！反正我由零到依家，我嘅動機都冇變，我唔需要作狀啲乜嘢，但當我返到去我自己唱歌嘅位置，做番歌手嘅時候，我會有另外一個蔡一傑，呢一刻我想做一個好普通嘅蔡一傑，同大家分享美食，行吓街市同啲街市嘅人傾吓偈，交流一下煮食嘅樂趣，呢樣嘢係開心嘅！」他更計劃待疫情消失後，會「傑少出巡」到其他國家帶大家飽嘗不同美食，感受各地不同的文化！ ![蔡一傑表示現在走在街上大家都會叫他「傑少」，或者問他今天會煮什麼菜？為他帶來無比親切，他興奮表示自從網上教煮餸後，還吸納到一班年輕粉絲，是他這一年意外的收穫。]()
- 蔡一傑表示現在走在街上大家都會叫他「傑少」，或者問他今天會煮什麼菜？為他帶來無比親切，他興奮表示自從網上教煮餸後，還吸納到一班年輕粉絲，是他這一年意外的收穫。
爭取年底開個唱 透過煮食在疫情下跟粉絲建立起溝通的橋樑，是傑少去年的一大收穫，但他對唱歌的熱愛沒變，更計劃在今年底將原本在19年因社會運動未能舉行的演唱會重現觀眾眼前。他說：「其實我上一次嘅個人演唱會，我真係籌備咗大概三年，結果去到臨做之前，就因為一啲事情就冇做到，但我冇放棄到，今年我除咗做「傑少煮意」嘅嘢外，就順便又繼續去搵緊歌，開緊最新唱片！我冇放棄過唱歌嘅！我點會放棄唱歌呢，因為唱歌係我最鍾意嘅一樣嘢！同埋個演唱會我都冇放棄，我希望喺年尾嘅時候，可以繼續做番我蔡一傑個人演唱會。」 ![原定在19年舉行的三場蔡一傑《Onederful Live》演唱會，因遇上社會運動而取消。不過，傑少坦言未有放棄，正爭取年底檔期捲土重來！]()
- 原定在19年舉行的三場蔡一傑《Onederful Live》演唱會，因遇上社會運動而取消。不過，傑少坦言未有放棄，正爭取年底檔期捲土重來！
![為了這個第一次的個人演唱會，蔡一傑相當緊張，籌備超過三年之外，更密集式排練。]()
- 為了這個第一次的個人演唱會，蔡一傑相當緊張，籌備超過三年之外，更密集式排練。
![當日身穿禮服出席演唱會記者會的蔡一傑，透露個唱有別於以往草蜢的演唱會模式，反而會較著重音樂元素，他更會在個唱上演繹一些女歌手的歌曲。]()
- 當日身穿禮服出席演唱會記者會的蔡一傑，透露個唱有別於以往草蜢的演唱會模式，反而會較著重音樂元素，他更會在個唱上演繹一些女歌手的歌曲。
![除了計劃年底開騷，傑少透露已開始籌備新唱片，希望配合演唱會舉行期間推出。]()
- 除了計劃年底開騷，傑少透露已開始籌備新唱片，希望配合演唱會舉行期間推出。
一年間十個朋友離世 景物依舊人事已非，提到髮型師戰友JackyMa上年底因病離世，已經不能參與他的首個個人演唱會，蔡一傑感觸良多。「唉！其實喺2020年呢一整年，我諗離開咗我嘅好好朋友，有啲二十幾年，有啲三十幾年嘅朋友，離開咗我諗係有十個朋友，有啲係cancer癌症，有啲係心臟病，突然之間，可能我早兩日仲同佢傾緊偈，兩日後就收到佢嘅消息，佢已經離開咗！其實呢一年裡面，真係令到我整個人有好多唔同嘅想法，人生嘅想法，我覺得真係要及時行樂，同埋及時去對你愛嘅人，包括你嘅家人、朋友，都要同佢哋講I love you，要快啲講，世事無常！」
回憶摯友點滴在心頭 「Jacky Ma同我識咗三十年，一齊共事，走過大大小小嘅演唱會，走遍大江南北，我諗我去每一達地方，佢都喺度，喺我身邊，所以變咗好似有啲屋企人嘅感覺，直情係屋企人，所以佢嘅離開，其實自己係好傷心，好傷心嘅！」 ![髮型師好友Jacky Ma去年因胃癌離世，令與他並肩作戰三十年的蔡一傑非常難過及不捨，重提與戰友昔日的往事，他亦感慨良多！]()
- 髮型師好友Jacky Ma去年因胃癌離世，令與他並肩作戰三十年的蔡一傑非常難過及不捨，重提與戰友昔日的往事，他亦感慨良多！
![同JackyMa感情深厚儼如親人，傑少坦言對方未能分享他的首次個人演唱會成果，是一個遺憾！]()
- 同JackyMa感情深厚儼如親人，傑少坦言對方未能分享他的首次個人演唱會成果，是一個遺憾！
「因為我好熟呢個朋友，佢個人心地非常非常之好，佢係一個藝術家，佢對於美學，又或者對朋友都係非常之好，所以我哋做完嘢之後，會講吓音樂，一齊講吓美學， even我今日整嘅頭，有好多都係Jacky Ma平日教我點樣去整頭髮，我都喺佢身上學到唔少，佢有時會話，其實蔡一傑你對於好多美學角度都有感覺，你煮餸又咁叻！你應該要學整頭髮！
「佢知道我對於一樣嘢，如果當我係咁專注嘅時候，我一定會成功嘅，包括我做DJ啦，打碟嘅時候，嗰時係我打碟我教Jacky Ma打碟，佢有時亦都會教番我點樣去整頭髮，所以我同佢係好死黨好老友！」
「活到現在，自己嘅思想，尤其是今年我走咗超過十個朋友，世事無常，我覺得如果係開心，或者想做嘅嘢，就應該去做，快啲去享受囉！去享受所有每一分每一秒，唔需要諗太多！」隨心而活，應該是此刻蔡一傑的至深體會！
撰文：Suki Lee
攝錄：曾衛惠
場地提供：海洋公園萬豪酒店 ![疫情期間傑少亦未有偷懶，堅持做運動keep住狀態。]()
- 疫情期間傑少亦未有偷懶，堅持做運動keep住狀態。
![除了做Gym、跑步和游水，傑少亦愛爬山，坦言人在山上特別心曠神怡，心情亦會輕鬆愉快。]()
- 除了做Gym、跑步和游水，傑少亦愛爬山，坦言人在山上特別心曠神怡，心情亦會輕鬆愉快。
![談及兩位拍檔蘇志威、蔡一智都先後成家，至今依然單身的他可會心急，傑少就話：「每個人嘅生命都唔一樣，雖然三兄弟好似一個group咁樣，但大家遇到嘅嘢可能都唔同。我好享受現狀，2020年好多朋友離開咗，亦因為佢哋而令我得到啟發，覺得更加唔應該去想得太多！」]()
- 談及兩位拍檔蘇志威、蔡一智都先後成家，至今依然單身的他可會心急，傑少就話：「每個人嘅生命都唔一樣，雖然三兄弟好似一個group咁樣，但大家遇到嘅嘢可能都唔同。我好享受現狀，2020年好多朋友離開咗，亦因為佢哋而令我得到啟發，覺得更加唔應該去想得太多！」
![傑少亦勉勵港人在疫情下要忍耐：「我知有不同階層、朋友，都係一直捱緊，由年頭開始捱到年尾，而家已經係一整年有多，但今年面對疫情仍然唔可以鬆懈，希望疫情真係可以快啲過去，希望喺疫情之下，大家都忍耐，所有人都身體健康！」]()
- 傑少亦勉勵港人在疫情下要忍耐：「我知有不同階層、朋友，都係一直捱緊，由年頭開始捱到年尾，而家已經係一整年有多，但今年面對疫情仍然唔可以鬆懈，希望疫情真係可以快啲過去，希望喺疫情之下，大家都忍耐，所有人都身體健康！」
![每次草蜢舉行演唱會，蔡一傑都會施盡渾身解數又唱又跳，相信大家都好期待他在首次個人演唱會上，呈現另一面的蔡一傑。]()
- 每次草蜢舉行演唱會，蔡一傑都會施盡渾身解數又唱又跳，相信大家都好期待他在首次個人演唱會上，呈現另一面的蔡一傑。
----------------------------
立即加入壹週刊MeWe
-----------------------------
《香港百年超級豪宅揭秘》經已出版 各大報攤及便利店有售
可按此網上訂購
----------------------------
守住新聞自由 和你撐壹週刊計劃 每月港幣$300起
按此了解更多
- 蔡一傑表示現在走在街上大家都會叫他「傑少」，或者問他今天會煮什麼菜？為他帶來無比親切，他興奮表示自從網上教煮餸後，還吸納到一班年輕粉絲，是他這一年意外的收穫。
- 原定在19年舉行的三場蔡一傑《Onederful Live》演唱會，因遇上社會運動而取消。不過，傑少坦言未有放棄，正爭取年底檔期捲土重來！
- 為了這個第一次的個人演唱會，蔡一傑相當緊張，籌備超過三年之外，更密集式排練。
- 當日身穿禮服出席演唱會記者會的蔡一傑，透露個唱有別於以往草蜢的演唱會模式，反而會較著重音樂元素，他更會在個唱上演繹一些女歌手的歌曲。
- 除了計劃年底開騷，傑少透露已開始籌備新唱片，希望配合演唱會舉行期間推出。
- 髮型師好友Jacky Ma去年因胃癌離世，令與他並肩作戰三十年的蔡一傑非常難過及不捨，重提與戰友昔日的往事，他亦感慨良多！
- 同JackyMa感情深厚儼如親人，傑少坦言對方未能分享他的首次個人演唱會成果，是一個遺憾！
- 疫情期間傑少亦未有偷懶，堅持做運動keep住狀態。
- 除了做Gym、跑步和游水，傑少亦愛爬山，坦言人在山上特別心曠神怡，心情亦會輕鬆愉快。
- 談及兩位拍檔蘇志威、蔡一智都先後成家，至今依然單身的他可會心急，傑少就話：「每個人嘅生命都唔一樣，雖然三兄弟好似一個group咁樣，但大家遇到嘅嘢可能都唔同。我好享受現狀，2020年好多朋友離開咗，亦因為佢哋而令我得到啟發，覺得更加唔應該去想得太多！」
- 傑少亦勉勵港人在疫情下要忍耐：「我知有不同階層、朋友，都係一直捱緊，由年頭開始捱到年尾，而家已經係一整年有多，但今年面對疫情仍然唔可以鬆懈，希望疫情真係可以快啲過去，希望喺疫情之下，大家都忍耐，所有人都身體健康！」
- 每次草蜢舉行演唱會，蔡一傑都會施盡渾身解數又唱又跳，相信大家都好期待他在首次個人演唱會上，呈現另一面的蔡一傑。
來源 source: http://nextplus.nextmedia.com
|
鍾意就快D Share啦！
|
|
|
