《萬千星輝頒獎典禮2020》將於本月10日舉行，視帝、視后戰況比「開戰」時激烈！王浩信是近年無綫台慶劇台柱，今屆再憑人氣劇集《踩過界II》「盲俠」一角競逐視帝，雖然《使徒行者3》的「爆Seed」林峯獲網民齊呼要助他打破提名16次皆「捧蛋」的宿命，但正當浩信都表示師兄林峯走勢強勁，直呼面對他「好驚」之際，其好兄弟張振朗最近亦愈戰愈勇，連續5劇《機場特警》、《反黑路人甲》、《使徒3》、《踩II》及《堅離地愛堅離地》播出，每套角色均大有發揮，憑《反》劇「高彬」一角爭視帝的他，連裸跑都肯，有力狙擊兩位師兄。
浩信日前接受專訪，坦言《踩II》角色難度高，既要演盲又要兼顧法庭戲，說到得獎信心，他謙稱不敢多想：「每年都唔知，所以都係唔好諗好啲，盲俠個角色唔易做，又要演盲，又有法庭戲，對白又多又快，而且套劇好有驚喜，我睇嘅時候都喊咗好多次。」3年前曾奪視帝的他再憑「盲俠」角逐，他自認於細節處理上更準繩：「覺得自己有進步，諗法同掌控得更好。」說到競爭，他指當中很多都是大熱人選，但論到林峯，他則說：「林峯好強勁，係師兄，識英雄重英雄，交畀觀眾處理，每年都希望係百花齊放。（網民話無綫欠林峯一個視帝？）驚㗎！咁佢係好睇嘅！」
對於「最佳劇集」，他自言很難揀，明顯較偏心《反》劇：「兩套劇唔知點分，我希望畀《反黑》，因為《踩過界》已經攞過，《反黑》入面每個兄弟姊妹都好出色，喜劇要喺觀眾心目中有少少位置唔容易，如果喺頒獎禮有獎就更難，係一個突破。」
來源 source: http://hk.on.cc
|
鍾意就快D Share啦！
|
|
|
