資深演員李香琴前日（４號）病逝，享年88歲。琴姐縱橫影視圈數十年，拍過幾百部作品，由早期演奸妃、西宮到後期變親切嫲嫲，每個角色都深入民心，成為觀眾的集體回憶，對於琴姐的離去，不少人感到惋惜。
琴姐女兒蕭紫筠跟丈夫今日中午12時30分左右，乘坐七人車離開何文田住所，到就近勝利道一間日本料理午膳，面對喪母之痛的蕭紫筠，對於記者對追訪，仍然友善地跟在場記者打招呼。她在餐廳安頓好丈夫後，即主動步出餐廳接受訪問，言談間多次勸喻記者離去：「我心痛你哋呀，喺度企成日，老人家見到你哋啲小朋友好心痛，所以特登出嚟，你哋有乜嘢想問，我同你哋講。」
蕭紫筠衷心感謝大家對琴姐的關心和愛護，問到琴姐後事如何安排時，她說：「星期五會去領遺體，之後會出訃聞，喪禮都已經安排好，有專業人士幫手。」她透露至親離世心情自不待言：「我哋都要繼續行我哋嘅路，同埋最主要係琴姐真係去得好安詳，所以請大家都釋懷。」接着她又叮囑大家離開，邊行邊揮手說：「拜拜！」後返回餐廳用膳。
大約到1時15分，蕭紫筠跟丈夫午膳完畢後，十指緊扣步出餐廳，臨上車前揮手示意記者上前，原來她預備了午膳給大家，隨後乘七人車回何文田住所。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
