馮盈盈（FYY）最近雙重「失戀」，前度醫生男友鍾文浩今個月底結婚，但新娘不是她；另有傳她與「大隻主播」鄭衍峰為公開戀情起爭執，致不足一年情玩完。但貴為MK界女神的盈盈，今年只有26歲，一直不乏裙下之臣，曾有傳她摙贏張曦雯，獲舊老闆「殼王」陳國強特別睇起，成為新寵兒，更忽然富貴，除搬去價值2,300多萬元的千呎新居外，又手執價值20萬元的Hermès手袋，十分高調。
日前《蘋果》讀者羅小姐透過「爆相爆片」分享，馮盈盈與一名西裝男約會，在高級意大利餐廳共晉午餐，盈盈不時流露冧爆表情，未知是否新歡？！上周四（14號）下午1時許，馮盈盈與西裝男在中環的意大利餐廳「8½ Otto e Mezzo BOMBANA」食飯，該餐廳擁米芝蓮三星，午餐人均消費都要1,500元。盈盈一身斯文打扮，而同桌男士則戴眼鏡、留有「二撇鬚」，加上筆挺西裝，望落似事業型男士。羅小姐說：「佢哋好好傾，大多數時間都係馮盈盈講嘢，男嘅就望住佢用笑容回應，FYY個樣好冧，不時含情脈脈望住對方，好似只係拎咗個電話出嚟一陣。」由於餐廳內大部份都是外籍人士，馮盈盈與西裝男坐在角落位置，較少人留意，可以暢所欲言，二人傾足近兩小時，至差不多3時，西裝男埋單後先行離開，盈盈立即把握機會看手機，相隔大約5分鐘後才離開。
過去一年，盈盈跟鄭衍峰可謂有影皆雙，多次被影到結伴出席飯局，曾跟自比「天下第一關」的鄭紹康一齊食飯；鄭衍峰7月生日時，盈盈又儼如女主人般跟男友出席朋友飯局，如今傳分手，盈盈的「飯腳」即時有人頂上，換畫速度極驚人。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
