究竟邊個先係「女友」？
藝人張沛樂（沙律）被爆戀上《全民造星》出身嘅ERROR成員吳保錡，東網更收到兩人拍拖睇紅葉合照，有圖有真相！
今日突然爆出原來吳保錡有位正印女友賴嘉賢（Carrie），女方報稱模特兒兼歌手，2019年曾合作拍攝廣告。有指Carrie得悉張沛樂與吳保錡嘅戀情感到愕然，直言與男方仍然係情侶關係：「我唔係佢前度，我哋冇講過分手。」據悉，二人2018年於ViuTV宣傳活動認識，2019年3月開始拍拖，兩人拍拖近2年，係公開嘅秘密，感情穩定，直至最近男方「突然冷淡」，態度有變。
今早，張沛樂於社交網發文：「人類是很奇怪的生物，明明夾不來，總想試試夾一下，因為不甘心，明明很夾，周遭的人會問怎樣夾，我不信！相信是親身經驗，不是說了就相信，因為人類就是你說了，我就是不想相信，因為無親身經歷過。」又上載1張「雞同鴨講」嘅相片，似暗示Carrie唔肯接受分手嘅事實。而Carrie就晒出全黑相，似乎表達緊自己嘅心情。
張沛樂透過電話訪問，回覆東網堅稱並非第三者：「我絕對唔係第三者，任何事佢都會坦白同我講，而我100%信任佢，以我所知，佢哋已經分開咗，而且呢段時間基本上都係同我一齊。」
來源 source: http://hk.on.cc
|
鍾意就快D Share啦！
|
|
|
