ViuTV節目《全民造星》成功捧出ＭIRROR和ERROR，兩隊成員相繼被爆戀事，昨日《蘋果》踢爆ERROR成員吳保錡暗交性感女神張沛樂（沙律），兩人十指緊扣行街斷正，沙律接受訪問時默認戀情：「我同佢都夾，而且佢情商好高，都符合我想要嘅。」怎知保錡原來有正印女友Carrie，她接受傳媒訪問時聲稱：「我哋冇講過分手。」更指去年10月30日自己生日，男友還跟她一齊慶祝。
保錡疑背正印女友偷食沙律，蒙在鼓裏大受打擊的Carrie，今早在IG Story上載一張黑色畫面圖片，反映現在的心情。不過，男主角保錡卻否認出軌，他以短訊回覆《蘋果》：「我已經交代清楚關係。」被問到去年10月還陪Carrie 慶祝生日，他就承認有一齊慶祝：「其實已經冇聯絡一個月，而且仲考慮咗好耐。」
追問是否有跟Carrie 講分手？只是對方不接受？保錡避答：「我做緊嘢而家，遲啲再傾。」之後保錡就補充：「同前女友已經冇聯絡一段時間，回復單身後，我同沙律剛剛開始發展，希望大家畀多啲空間。下年已經三十歲，要認真為未來打算，所以會更加努力專注工作，希望未來得到更多人認同及認識。」
而被指是第三者的沙律，今早在IG Story留言：「人類是很奇怪的生物，明明夾不來，總想試試夾一下，因為不甘心。」似反擊Carrie 不肯接受分手。對於保錡被指一腳踏兩船，沙律回覆《蘋果》表示對男友100%信任，自己亦非第三者，她說：「我知道晒所有事，我100%支持保錡，我亦知道佢個Ex係邊個，無隱瞞嘅成份。同我一齊嘅時候佢哋亦都無聯絡，而我都知道佢Ex係邊個，但我真心不理解點解女方話2、3個月保錡對佢冷淡，女方完全無搵過男方溝通，都完全無聯絡，突然話穩定中拍拖，不過佢哋已經溝通好，我亦都唔想大家有任何嘅傷害，亦都唔想大家去攻擊保錡或者有不必要嘅猜疑。」可擔心被指是第三者？沙律說：「我唔會擔心被指係第三者，因為根本就唔係！我諗保錡已經交代得好清楚。」
Carrie 中文名叫賴嘉賢，是一名模特兒兼歌手，她在訪問中表示跟保錡拍拖差不多2年，兩人於2018年在ViuTV的情人節宣傳活動認識，翌年3月正式拍拖至今，去年10月30日自己生日，保錡還跟她一齊慶祝，對於男友暗撻沙律，她表示：「我完全唔知點解會有咁嘅事。」不過，她指男友最近對自己很冷淡：「突然態度好冷淡，我都唔知發生咩事。」
去年9月20日，兩人還在旺角被街拍，Carrie指好多朋友都知他們拍拖，對於男友偷食沙律，她會好好跟男友傾談。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
