遭舊愛S先生追討80萬兼狂數 謝芷蕙甜晒咀嘴照獲新歡力撐
𡃁模出身的25歲謝芷蕙（Cammi）雖然零工作，但經常於社交網晒名牌、Fine Dining、坐私人飛機去旅行等照片炫富，近年她之所以由屋邨妹升呢上等人，相信全因身邊男伴愈換愈富貴！惟今日有報道指，Cammi遭自稱台灣舊愛「S先生」追討80萬元，並向傳媒爆料稱於2019年2月跟Cammi開始拍拖，二人於夜總會相識，同年3月為對方豪擲50萬於5星級酒店搞生日P，更聲稱對方的整容、隆胸錢也是他找數！S先生又指Cammi扮單身，拍拖時仍跟不少男生聯絡，更試過約一名廣州男去澳洲玩，他認為對方太過份，不希望再有男人受騙，故決定公開Cammi的作為，討回公道！
對此，Cammi受訪時堅稱從沒向任何人借錢，又澄清S先生是經朋友介紹認識，男方由2019年3月開始展開追求，但她一直對S先生冇好感，後來對方更「奪命追魂Call」、跟蹤兼恐嚇她，有次好友還遭S先生當眾淋尿，最終報警處理。Cammi又否認於夜總會任職，至於被S先生公開親密照力證二人關係，她解釋印象中試過跟女友人上對方屋企飲到好醉，自己完全唔記得影過這輯相，並謂現時已覓得新男友陳先生（William）。事後，Cammi即於IG貼出跟William在迪士尼咀嘴合照，並留言：「相識6年，相戀6個月。」
至於William亦於Po下撰長文力撐女友，他寫道：「無論是誰抹黑你都不會影響我們的關係，更何況是這種不敢露面的小人。吃不到葡萄說葡萄酸就是這樣。我之前已經聽過身邊朋友說這個台灣人好變態，之前因為得不到一個女的還去跟蹤人然後淋人地（哋）尿和屎，仲有偷拍別人這種怪癖。講真啦，依（而）家呢個社會，出黎（嚟）溝女唔係用錢就係用心，或者你係個靚仔。呢條台灣傻仔3無仲學人出黎（嚟）溝女，玩唔起就唔好出黎（嚟）玩啦。現在醫美科技發達，有邊個女仔唔貪靚想keep好d（啲）？打個針，填充下，好大件事咩？我和你識左（咗）咁耐，你的事我了解得7788，出面d（啲）新聞寫d（啲）乜，係真係假我都知，妳身邊d（啲）人都知，愛妳既（嘅）人都了解妳。」
|
鍾意就快D Share啦！
|
|
|
