藝人傅嘉莉（Kelly）喺社交網晒出行山獨照，除咗螢光色運動裝Sharp到爆，最大亮點係佢素顏示人，即引起網友熱烈討論，有網友指佢冇咗眼妝之後，電眼即時「跌Watt」，但亦有網民大讚佢敢公開真面目相當勇敢：「素到咁，證明你有自信！」
其實以往唔少女星公開素顏都成為熱話，而外界反應都大有不同。經常素顏示人嘅視后李佳芯，妝前妝後零差異，加上有時戴上眼鏡更顯逆齡，完全睇唔出已38歲，獲封凍齡女神。同樣零差別嘅仲有蔡卓妍（阿Sa），早前佢公開出浴照，即使超近鏡自拍，皮膚依然零瑕疵。
至於已為人母嘅宅男女神孫慧雪，曾冇化妝出席姊妹聚會，雖然被指「C9」味濃，但樣子清秀，獲稱「最索C9」！而以往多以濃妝、濾鏡拍照嘅內地網紅周揚青，早前零化妝兼零P圖自拍，有網友指佢面腫腫判若兩人，但亦有人指讚佢卸妝後反而少女感倍升！
來源 source: http://hk.on.cc
|
鍾意就快D Share啦！
|
|
|
