熱爆娛樂: 港姐張舒雅神隱10年繼承億萬珠寶生意：可以Hea 住生活係一件好事！ #張舒雅 #港姐

2021年2月22日星期一

港姐張舒雅神隱10年繼承億萬珠寶生意：可以Hea 住生活係一件好事！ #張舒雅 #港姐

被封為「最Hea港姐」的張舒雅，是08年的港姐冠軍。當選之後，張舒雅開始頻頻請病假、玩失蹤，足足一年冇履行做港姐責任，一直hea 到合約完結。

不知不覺，離開娛樂圈10年，近年張舒雅終於的起心肝，報讀珠寶設計課程，幫手打理家族生意，不過就講明只是玩票性質。貴為億萬千金，她依然嚮往過住優哉游哉嘅生活，更表示「可以hea 住生活其實係一件好事。」日前《壹仔》撞見久未露面嘅的她，約埋幾個朋友，到郊外放狗。期間狗仔失控亂跑，張舒雅變成「俾狗放」，搞到差點甩褲，更露出黑色底褲邊，十分狼狽。

陳倩揚頂替參選華姐

08年當選之後，張舒雅無心工作，掛住同補習天王男友趙永康拍拖，頻頻請病假。之後她更拒絕代表香港參選國際中華小姐競選，要由亞軍陳倩揚頂上。因為長期請病假，又冇履行港姐責任。最終在09年的港姐競選中，Tvb打破歷史傳統，並冇安排她上台為應屆港姐冠軍加冕，改由朱玲玲擔當重任。「被卸任」之後，身高有5 呎11吋的她，曾經轉行做model 。不過，唔夠一年就放棄，從此退出娛樂圈。

參選期間，張舒雅先後傳出夜蒲、煲煙、攬仔等負面新聞。



雖然形象麻麻，但張舒雅依然撼贏陳倩揚、馬賽，成功奪冠。



當選之後，張舒雅掛住同補習天王男友趙永康拍拖，無心工作頻頻請病假。



身高有5 呎11吋的張舒雅，「被卸任」之後，曾經轉行做model 。

完成父母心願繼承生意

爸爸是大寶珠寶主席，家住九龍塘7000 呎獨立屋，市值過億，張舒雅名副其實是億萬太子女。當年亦有傳張舒雅爸爸的珠寶公司，曾經贊助TVB ，所以就算參選期間，張舒雅先後傳出夜蒲、煲煙等負面新聞，都可以順利奪冠。為了完成父母心願，近年張舒雅終於的起心肝，報讀珠寶設計課程，幫手打理家族生意，同時她亦與朋友合資開酒吧創業。雖然是家族繼承人之一，但張舒雅強調只是幫下手，盡一分力，她最嚮往依然是Hea住過生活。17年，張舒雅曾經接受訪問話：「對我來講Hea係代表舒服同relax，咁形容我都OK！可以Hea住生活，其實係一件好事，可能我比較幸運，屋企人冇比生活壓力我，寵壞咗我。」



爸爸是大寶珠寶主席，家住九龍塘7000 呎獨立屋，張舒雅自小有工人照顧，名副其實是億萬太子女。



張舒雅坦言最嚮往Hea住過生活。

Hea 住「俾狗放」

近年已經冇再現身公開場合的她，日前被《壹仔》發現約了幾個朋友，帶住狗仔，在一間露天餐廳，Hea足一個下晝。冇見一排，張舒雅似乎都冇乜變，身材一樣咁弗。雖然她們有遵守「限桌令」，分成兩個人一枱。不過，就時不時企起身，圍埋一齊一邊嘆白酒，一邊吹水，不知幾chill ！Hea 完一輪，張舒雅拖住狗仔去草地放電，期間狗仔太活躍失控亂跑。「俾狗放」完一輪，張舒雅搞到差點甩褲，露出黑色底褲邊。之後索性換一條可以伸縮的狗帶，繼續Hea住放狗。