囝囝片場探班勾童年回億 洪天明爆細仔鍾意做公主
洪天明在電影《拆彈專家2》與內地女星倪妮飾演反恐部隊，在拍攝一場跟恐怖組織對戰的場面，鏡頭前氣氛緊張，鏡頭後溫情洋溢，皆因天明太太周家蔚，帶同囝囝洪大仁（TJ）、洪竟琋（JT）到場探班，天明跟兩子見面，立即愛的抱抱，又攬又錫。
為爭取與囝囝天倫共聚，未埋位的洪天明不惜放棄休息時間，在片場跟TJ、JT大玩捉迷藏，TJ更對天明身上的裝備充滿好奇；對於囝囝探班，天明自言勾起不少童年回憶：「我以前細個就係咁樣喺片場陪爹哋（洪金寶），跟武師跳下彈床、玩吓玩吓就過一日，主要畀老竇見吓我！就好似TJ、JT咁，其實佢哋嚟探班，我都驚佢哋悶，但事實上佢哋覺得好好玩，見到所有道具都摸下，我又好開心見到佢哋，感覺好sweet。」
提到TJ對他身上的反恐裝備甚感興趣，天明表示：「哥哥（TJ）好鍾意玩槍、做Super hero，細佬（JT）就鍾意玩女仔玩具：洋娃娃，又鍾意粉紅色、又鍾意做公主同着公主衫。」問到天明將來會否希望兒子繼承衣鉢做演員？他即謂：「我會同我爹哋一樣，唔希望自己小朋友入行，因為娛樂圈發展唔容易成功，唔係你話幾勤力就會成功。其實作為家長，我覺得最重要係品格，將來大個佢哋成功與否、做咩行業，靠佢哋自己，但基本上人品要好。」
天明今次在戲中跟倪妮有不少對手戲，他大讚對方是個非常開朗的女演員，而且容易溝通：「佢樣樣嘢都會親力親為，有啲鏡頭導演冇要求佢親自上陣，佢都會自己去做，覺得佢好有Heart。」
來源 source: http://hd.stheadline.com
|
鍾意就快D Share啦！
|
|
|
