內地女星李冰冰於2017年宣布同細佢16年嘅圈外男友許文楠拍拖，成為一時佳話。早前佢生日，但未見男友身影，只有趙麗穎等好姊妹同佢慶生。今日有內地傳媒指，冰冰喺一個訪問中承認已同男友分手，令人震驚！
訪問中冰冰指：「已沒有愛人了，我們已經選擇分開！」雖然感情關係不再係戀人，但已升呢成為「更加情逾骨血的親人！」唔少網民知道消息後都大嘆可惜，希望冰冰可以好快搵到真命天子！
其實冰冰同許文楠去年已傳過分手，有傳佢仲代男友還百萬欠款，不過冰冰當時已經否認。而冰冰社交網今日上載為好友任泉慶生照，並留言：「那séi生日快樂@任泉，和所有的快樂說嗨嗨，和所有的煩惱說bye bye！」唔知係咪意有所指，不過網民就話冰冰變單身，任泉機會嚟喇！
來源 source: http://hk.on.cc
|
鍾意就快D Share啦！
|
|
|
