2021年3月29日星期一

【視障人士】黃劍文處男挑戰音樂劇要大發脾氣陳明憙28歲重返「小學雞」有難度

黃劍文和陳明憙齊演音樂劇，劇中陳明憙要由細演到大，仲扮返小學生，不過由細到大她都咁靚啫。

黃劍文和陳明憙出席《攜手瞳行慈善音樂劇場》記者會，黃劍文首次演出音樂劇，劇中飾演Gray自小患視網膜色素病變，因眼疾問題而向家人發脾氣，更曾有輕生的念頭，但重新振作後變成一位長跑視障教練。黃劍文曾參與體驗失明感覺的活動，當進入展覽時看不見東西很驚。他說：「都心酸！體驗後覺得眼睛好重要，有雙眼，自己經已擁有好多嘢，其他都唔重要。」問到可要演發脾氣戲份？他笑說：「我都可以斯文發脾氣嘅！」

陳明憙表示第二次挑戰演出音樂劇，劇中飾演因天生白內障及黃斑病變形成視障人士美玲。她亦跟真人美玲傾談過，發現對方曾被欺負。她說：「我要由細演到大，我唔知𠵱家年紀點樣演返小學生。」