今年無綫人事多變動，除了曾志偉任副總經理和王祖藍做首席創意官外，何麗全亦擔任星夢娛樂CEO，今日更有消息指馬浚偉將會接手掌管藝員訓練班部門，培訓新演員。
消息稱，曾做藝訓班導師嘅馬浚偉，早年同鄭丹瑞等曾任藝訓班導師，去年於北京大學光華管理學院修畢行政人員工商管理碩士課程，隨後更投資開設「演藝教育中心」，因此獲得青睞，邀請佢分享經驗及掌管藝員訓練班。
馬浚偉回覆東網指已討論過合作，但未有落實方案：「多謝大家關心，但係一切都係傾談當中，乜嘢合作方式，慢慢再傾啦，大家都要夾時間同嗰個方向是否能配合，公司嘅事我能夠支持嘅我一定會盡量幫手嘅！」據知曾志偉今次搵馬浚偉返娘家做「校長」，管理無綫職藝員各方面不同層面嘅培訓，而無綫今次亦希望在馬浚偉管理下，將昔日藝訓班演變成學院。
另有指曾志偉重整星夢旗下歌手，有傳要求星夢歌手加簽TVB經理人約先「有得留低」，據知菊梓喬、林穎彤、譚嘉儀及戴祖儀都會簽經理人合約。
來源 source: http://hk.on.cc
|
鍾意就快D Share啦！
|
|
|
