晨早起身沖咖啡派粉絲 黃妍難忘南法巴士站捱凍睇日出
唱作歌手黃妍（Cath）近日推出新歌《天光前》，大走熱血日劇主題曲風，她希望樂迷珍惜自己的愚勇，無懼地付出感情。為配合新作，昨晨Cath到黃埔海濱一間咖啡店進行直播活動，以歌聲為上班族打氣，更即場親手沖製從台灣空運抵港的「天光前手沖咖啡」，願大家有美好的一天。
為了今次晨早演出，Cath前一晚綵排到11時，昨日凌晨3時便要起牀準備，非常專業，這次她更帶同新買的粉藍色電結他亮相。活動於7時開始，Cath在樂手伴奏下先後唱出去年派台歌《遲起的鳥兒有蟲吃》、《牆身有裂》及《我心中尚未崩壞的部分》，接着便唱新歌《天光前》，特別到場支持的粉絲們都聽得津津有味，有人小聲地跟着唱，場面相當溫馨。
最後Cath唱出魏如萱的作品《Have a nice day》，憑歌寄意。唱完歌後，她便開始派發咖啡，對咖啡素有研究的Cath，特別請來相熟的台灣咖啡老師為她調配咖啡豆，她表示老師曾為她的歌曲《偷時間的人》調製專屬的咖啡豆，Cath試過後覺得味道很特別，亦想讓大家回味一下台灣的味道，所以再請老師為新歌調配咖啡豆，她說：「新咖啡豆的味道帶酸，最後又有回甘，就如追夢一樣，過程充滿辛酸，但完夢時又會得到滿足和快樂。」
提到「天光前」的相關事，Cath直言天光有種新開始旳感覺，因為天黑就像獨處、好孤單、好寂靜。她說：「天光就好似成件事開明咗，尤其是當你見到天光嗰一下，個天好靚，心情都會變得好好！」不過Cath表示自己很少去看日出：「我好少喺香港特登起身去睇日出，只係試過失眠時見到天光。不過有個幾難忘嘅睇日出經歷，當年大學畢業旅行，因為錢唔多，同朋友去買通宵巴士車飛，由巴黎落南法，諗住可以坐車慳一晚住宿錢，點知架巴士比預定時間早到，我哋4、5點已經到達，造就到我同朋友坐喺巴士站睇日出，等到天光再去住宿嘅地方，雖然要捱住凍睇，但個經歷係幾難得。」
|
鍾意就快D Share啦！
|
|
|
