2021年3月3日星期三

京都出發行路去東京坤哥歷黑仔事件自嘲戇居盼盡力 #吳業坤 #坤哥 #姜皓文 #黑仔

京都出發行路去東京坤哥歷黑仔事件自嘲戇居盼盡力

在日本工作假期的坤哥回港前挑戰全長約492公里的「東海道五十三次」。

吳業坤（坤哥）趁30歲前到日本工作假期，他指最初有想過搵工，最後因不知何時回港而作罷，更自嘲是「No working的working holiday」。坤哥早前在社交網表示即將回港，不過回港前會由關西行去關東，挑戰全長約492公里的「東海道五十三次」，即是京都與東京之間的53個宿場（驛站）。

坤哥日前已經開始起行，又每日在社交網分享心情。昨日是第三日，他發文表示：「經過呢兩日既（嘅）洗禮都訓（瞓）唔耐，九點半自動波彈起身浸個落住雨既（嘅）露天風呂，心諗好正，點知十一點出酒店係狂風狂雨。咁我就醒啦，去Family Mart買兩個膠袋笠住，等對鞋唔好入水，不過五分鐘後膠袋入哂（晒）水。」幸好後來天氣放晴，坤哥也在晚上8點完成目標，到達三重縣四日市。

坤哥在居酒屋和老闆聊天時提到自己正在挑戰，才知道當地人很少會一次行完：「可能有假期行幾日，再番（返）去再搭車再重復（覆）咁慢慢去完成。聽完之後我係（喺）度諗自己會唔會太戇居，琴（噚）晚為乜行夜山？但飲多兩杯諗通左（咗），我又唔係咩旅遊達人KOL為左（咗）介紹呢條東海道，只不過我係想行，就係咁簡單。」坤哥其後忍唔住講經，指有些人經常被其他人的意見左右，令自己原本的計劃兩頭不到岸。坤哥又相信只要跟住節奏去行，先會發掘到更多不同的面貌，最後又勉勵自己行到幾多就幾多。