2021年3月24日星期三

《心驚膽戰的同居》預告登場惠利攞張基龍狐尾當頸巾取暖

惠利竟然直接用張基龍條狐尾當頸巾，夠晒爆笑。

由張基龍及惠利主演的韓劇《心驚膽戰的同居》，講述999歲的九尾狐（張基龍飾）和A0大學生（惠利飾）意外同居後，展開一場奇幻愛情故事。劇集預告今日登場，二人共處一室，凍到震嘅惠利竟然直接拎起張基龍的尾巴當頸巾。雖然張基龍明顯好Shock仲要有啲嫌棄，不過都冇制止惠利。

張基龍飾演的九尾狐「申禹如」，擁有靚仔外形，而且在人間生活多年，一早積累驚人智慧。他為了變成人類，一直收集人類精氣提煉到狐珠。惠利飾演的「李潭」是一個普通大學生，講嘢又Mean又直接，所以一直冇Pool出。然而某日惠利卻誤食張基龍的靈珠，二人為尋找解決辦法被逼同居。《心驚膽戰的同居》即將在5月首播。