本港正經歷第四波疫情，最近更牽涉到健身中心群組。除了西營盤Ursus 之外，全港有二十多間分店的Pure yoga 同Pure fitness ，都出現確診個案。以往是Pure 常客的蔡一智，日前一家五口在Pure 出現，未知是幫襯健身室，還是店舖內的果汁店。不過，他們光顧的淺水灣分店，暫時仍未有個案出現。當《壹仔》問到蔡一智暫時會否避免去健身中心，他表示：「係呀！注意健康！」
- 日前蔡一智一家相約Chilam 兩父子，去跑步行山，夠晒有益身心！
- 以往蔡一智兩公婆是Pure fitness 的常客。
- 以往是健身室常客的蔡一智，近年已經由室內移師到室外，挑戰「跑山」。
- Chilam試過被《壹仔》拍到他跟靚靚去散步時，身穿一件白色Tee ，凸出大肚腩。
Chilam 失守現腩
Chilam 失守現腩
眾所周知，蔡一智一家同Chilam 兩公婆份屬好友，以往經常被《壹仔》發現他們相約歎下午茶 、行名店掃貨。不過，最近他們轉戰戶外，約埋去跑步行山，夠晒有益身心！今年即將「入五」的Chilam ，出名保養得宜。不過，近年就俾網民發現他開始中年發福，更試過被《壹仔》拍到他跟靚靚去散步時，身穿一件白色Tee ，凸出大肚腩。人到中年，要保住男神招牌，都要做下運動。
蔡一智跑山高手
蔡一智跑山高手
有名叫「運動達人」，五十有六的蔡一智，多年來保住六舊腹肌，全靠做運動操弗。以往是健身室常客的他，鍾意打拳、做瑜珈。近年，蔡一智已經由室內移師到室外，挑戰「跑山」。在一小時十五分鐘內，跑足十公里，成績唔錯。連老婆、繼女，同一對仔女都受他影響，熱愛運動。9 歲的仔仔現在已是跆拳道紅帶。- 日前《壹仔》發現蔡一智一家五口，在淺水灣的Pure fitness 步出。
- 唔怕受健身群組波及，蔡一智更同仔仔在門口影相，逗留了一陣子。
- 囝囝當正老竇是人肉沙包，不過蔡一智任打唔嬲。
- 跑山後，當晚蔡一智更在社交網站上載一連串美食相，更留言：「多謝張氏！」
相約跑山兼晚飯直落
相約跑山兼晚飯直落
日前《壹仔》發現蔡一智一家五口full gear 上陣，在淺水灣的Pure fitness 步出。唔怕受健身群組波及，蔡一智更同仔仔在門口影相，逗留了一陣子。之後一家人再去會合Chilam 父子。期間囝囝當正老竇是人肉沙包，更起飛腳，但蔡一智仍然笑笑口，任打唔嬲。一行七人一齊沿住山路行，起步冇耐，Chilam 的背脊已經濕透。日子有功，當日Chilam 雖然未練成肌肉，但比起之前，都明顯清減。一行人一邊行一邊傾偈，「跑山」都算是疫情之下最好的聯誼活動。當晚蔡一智更在社交網站上載一連串美食相，更留言：「多謝張氏！」兩家人一齊出汗之後，在晚飯直落，蔡一智表示：「多跑，原是想多吃！」有出有入，啱數！ ----------------------------
壹週刊 31年 和你壹路同行
回顧31年走過的路
----------------------------
和你壹起撐徽章 良心商店及網店有售
了解更多
-----------------------------
守住新聞自由 和你撐壹週刊計劃 每月港幣$300起
按此了解更多
來源 source: http://nextplus.nextmedia.com
|
鍾意就快D Share啦！
|
|
|
