撰文:馬高斯 |圖片來源:家ついて行ってイイですか|編輯:海月
老婆做家務有糧出

正常情況下,情侶結婚後的二人世界應該很浪漫,每天起床來個早安吻,兩口子日夜相對就如「糖漿和豆子黏在一起」。不過,並非每對夫妻都喜歡這種相處方式,日本有對結婚兩年的夫婦過著「絕對獨立」的同居生活,不但分床睡覺、從不牽手,生活上所有開支都用AA制,丈夫甚至會按妻子做家務的時數支付「時薪」!雖然聽上去不可思議,但兩位當事人都認為現在的生活「非常幸福」,到底是他們為什麼要實行這種慘過做室友的「AA制」的婚姻生活?

較早前日本綜藝節目《家ついて行ってイイですか》(跟你回家可以嗎?),訪問咗一對結婚兩年嘅夫妻,42歲老公和樹同39歲老婆愛子,兩人喺同一間遊戲製作公司做同事,後來發展成戀愛關係,最後仲結埋婚。不過佢哋嘅相處方式相當獨特,雖然同一屋檐下,但係就堅持各自生活「絕對獨立」,除咗食飯之外,絕不干涉對方嘅生活。


兩人分床瞓、生活上所有開支都AA制,都只係碎料。兩人明明係夫妻連手仔都唔拖,節目組請兩人喺鏡頭前拖手,結果變成握手,和樹覺得拖手好似無咗自由咁,仲話係相識以嚟首次掂對方隻手。更奇怪都仲有,和樹平時會叫愛子做「小姐」,佢哋性格都比較內向怕醜,覺得直呼對方個名,會令對方好困擾。

然後平時屋企嘅家務係由愛子一個人負責做,於是和樹諗出一個「家務時薪」制度,佢覺得只得老婆做家務係唔公平,於是將煮飯同家務嘅工作,會支付時薪1500日圓(約110港元)畀愛子,每個月大概就4萬日圓(約2920港元),聽落好似幾唔錯,都係另一個角度愛錫老婆嘅方法!

兩個人興趣又唔同,一個鍾意少女情懷,一個鍾意動漫玩具,就連蜜月旅行都意見出現分歧,愛子鍾情於夏威夷,但係丈夫想去夏威夷以外嘅地方。平時屋企煮飯,因為兩人口味唔同,所有料理都分開調味,愛子會分開用兩個鍋,一個調味清淡、一個就濃味啲。

兩人除咗食飯之外,基本上都係各自各精彩,關係仲疏遠過同房室友。兩人任何方面都絕不妥協,竟然能夠拍拖結婚,亦無分手嘅念頭。雖然佢哋相處方式好獨特,但係愛子認為,唔需要遷就對方,維持住自己嘅生活節奏,係一件幸福嘅事。
鍾意就快D Share啦!
|
|