沈卓盈宣布誕6.2磅B仔：第一次幫佢換片已請我同老公飲茶
沈卓盈（Jess）一索得男，與老公Calvin的愛情結晶品Baby Jayden出世了！
初為人母的Jess今日在社交平台跟大家報喜，分享榮升媽咪的喜悅和過程，並貼上與老公一起抱B照。提起Jayden BB，難掩喜悅的Jess說：「BB重6.2磅，為我接生的姑娘說BB的喊聲很響亮，老公陪我入產房開刀分娩，並親手為BB剪臍帶。整個過程很順利，生嘅時候真係好緊張，當聽到BB喊聲和看見他的一刻也禁不住的哭了起來，老公跟我一齊見證BB出世這寶貴的一刻，好感動！屋企人話BB嘅額頭同嘴仔似爸爸，對眼同個鼻就似我，我覺得BB睡覺嗰時好似爸爸，眼仔碌碌嘅時候就好似我！」
作為新手媽咪，Jess產前沒有特別上堂學習湊B，跟其他媽咪一樣，邊湊邊學，身邊的朋友已給她溫馨提示，初生BB頭幾個月會比較難湊，不過她已做好心理準備，「第一次幫BB換片嘅時候佢已經請咗我同老公飲茶，一日請咗兩次，真係又狼狽但又好好笑，雖然依家湊B比較辛苦，又攰又唔夠訓，但係每一個過程都好享受同開心。依家只希望健健康康，食得又瞓得。自己也為Baby Jayden作好曬準備，經歷人生另一個新課程。」
來源 source: http://hd.stheadline.com
|
鍾意就快D Share啦！
|
|
|
