有消息指現年97歲的梅艷芳母親覃美金近日入院，《蘋果》致電梅媽問候，她在電話說：「少少胃痛，入咗兩日。」醫生話嚴唔嚴重？梅媽表示：「胃抽筋囉，以前都試過，醫生話休息兩日，要食胃藥，你有心嘞。」
問到是否有胃痛多年？梅媽說：「胃抽筋久唔久都會有，今次抽得犀利要打針鬆弛，梗係痛得好辛苦先入醫院，少少痛入嚟做乜，而家好番好多啦。」問到胃口好唔好？梅媽說：「要煮爛啲食，都係咁囉。」
雖然胃抽筋住院，但梅媽仍中氣十足，她指身體沒其他不適，「我3月生日，過咗生日啦，百幾歲，擺大壽請埋你。」問到是否年近百歲？梅媽說：「我唔識計年數，唔知幾歲。」去年梅媽曾因心臟問題入院，進行通波仔手術。
-----------------------------
蘋果App大升級 更簡潔更就手！了解更多（立即下載體驗）
-----------------------------
蘋果初心不變！26周年「撐蘋果Tee」預售：
你的優惠訂購（海外訂購按此）
來源 source: http://hk.appledaily.com
|
鍾意就快D Share啦！
|
|
|
