年前自爆「屋企有一千對鞋」後，杜如風被網民封為「世界級港女」，雖然自言性格善忘，但她對「封號」有點介懷，無奈地說：「唔知道點樣為之世界級港女，港女已經係一回事，仲要世界級？其實坦白講，我真係唔係一個港女，所有嘢都好隨意，例如踎喺地下，行得攰就除咗鞋繼續行。」
儘管愛血拼，但她認為：「我覺得都有買嘢自由，我只係一個購物狂，但我唔係使男人錢，只係使一個男人嘅錢，嗰個就係我爸爸。」難怪被媽媽剪過四張信用卡。
- 年前自爆「屋企有一千對鞋」後，杜如風被網民封為「世界級港女」
- 杜如風是個天生購物狂。
阿媽已經放棄
阿媽已經放棄
心直口快的杜如風，的確在鏡頭前後也不造作。「我唔識得攻心計，其實我真係一個麻甩仔，好求其，根本就係一個好男仔頭嘅人！」
她強調自己並不離地，「我係一個貼地嘅購物狂，唔淨係買貴嘢，垃圾都會買，即係好平嘅嘢我都會買！其他人經常話我離地，但我真係覺得幾貼地，可以日日食茶餐廳。」
她去日本拍旅遊節目，幾乎每晚都在便利店買咖喱飯或肉醬意粉，「雖然只係幾百円，但都好好食，唔一定要過好高級嘅生活。」
杜如風的前嘉禾高層爸爸杜惠東（人稱杜Sir），於16年因腎衰竭病逝，他生前最希望女兒快樂無憂，想她找到個可挽手到白頭的男人。
「一定係，由始至終都係想咁樣，佢照顧得我太好，所以自己嘅要求都提高咗。爸爸就想我嫁個有錢人，但我覺得嫁個有錢人仲麻煩，對方一定會出去滾。」杜如風笑說。
反而媽媽對她「出嫁」，已不再抱希望。「阿媽已經放棄咗，好多年前已經放棄咗呢件事，佢知道我都唔係一個正常香港人。」
- 杜如風是獨女，父母都很錫她。
擇偶要靚仔最好似朝偉
擇偶要靚仔最好似朝偉
杜如風自高已有八、九年沒有拍拖，全因沒遇上對象。「本身唔係主動型，會吊高嚟賣，好似叉燒咁樣，本身又唔係太恨，好多女仔去到咁上下年齡，就會好恨可以嫁出。自己反而覺得阿媽已經管得咁嚴，仲搵多個男人返嚟管我？順其自然啦，又唔係唔想要，嚟到嘅咪接受囉，無嘅咪繼續瞓多一覺囉。」
她表示自己的要求很高，「要專一、靚仔、有幽默感，最好似梁朝偉或者宋仲基，又要縱壞我，仲要好坦白。」
她拍過超過十次拖，男友有日本人、外國人及香港人，亦曾經帶過不少男朋友回家見家長，「好多個都有見過，但無一個係合格，所有都唔合格。我諗即使搵到律師、醫生，佢哋都會唔合格，因為父母當然會想個女得到最好嘅。一個本身唔認識嘅男人，要點樣取悅佢哋呢？無一個佢哋會叫我一定要箍緊，最好我唔拍拖添。」
怒摑偷食男
怒摑偷食男
現年四十六歲的她，並不急於找男朋友，亦不急於結婚。「我都好花心，其實我都只係隨緣。好多港女會好恨搵到一個男人，諗方法箍住對方嘅心，我覺得好煩。」
杜如風不需要對方有錢，但一定要專一，「我最憎男人偷食，然後最憎係以為呃到我，但其實我無咁蠢，係會揭發到你嘅，呢方面就好重要。」
她曾經揭發男友偷食，「喺佢嘅手提電話裡面搵到一啲短訊，然後我即刻一個正手加一個反手摑落去，我諗無一個男朋友未俾我摑過。」
只要發現對方背著自己偷食，杜如風就算有多愛他，都會一刀切，絕不心軟。「係呀，唔容許有一次，我經常覺得只要有一次，就一定會有第二次，必定會繼續落去，點會俾你發現一次之後就從良。」
每次失戀，杜如風很快會復完，不會令自己不開心，「其實真係好難會令我唔開心，無錢就會唔開心，我真係睇得幾化。只係喊過一次，然後就瞓覺，唔使諗，瞓醒之後又瞓過，瞓醒之後出街買嘢，買完嘢返嚟又瞓，過咗十日之後就會無事。」
- 杜如風坦率直接，不懂撒嬌，絕對不是個港女。
十幾歲簽35萬卡數
十幾歲簽35萬卡數 她不是天生愛情狂，但絕對是天生購物狂，行街shopping是她人生的動力。但疫情期間，她的工作幾乎停頓，已經收歛不少。
「暫時都OK嘅，阿媽仍然肯養我，但已經買少咗好多嘢。我最近係收歛咗啲嘅，少咗買嘢，又未戒得晒，戒得晒就好囉，阿媽會謝天謝地。」
讀書時期，杜如風對金錢沒有概念，見到喜歡的東西就買，十五歲已獨自飛日本旅行購物。
有一次，媽媽收到她的信用卡月結單時，激到出煙。「三十五萬，人生中最貴一次咭數！買完之後，阿媽就即刻cut咗我張卡，嗰個月買得最多，真係剪咗張卡，我唔知點算，然後我做咗一件乜嘢事呢？我打電話去信用卡中心，話自己唔見咗張卡，問對方可唔可以發過另一張卡，同時話轉咗地址，然後寫咗學校地址，月結單就唔會寄去屋企，結果又係繼續買，但無再買得咁癲。」
對於媽媽剪卡這個舉動，杜如風笑言不只一次，「咁耐以嚟佢剪過我四張卡，真係剪嘅，狠狠地剪。」
工作才知賺錢不易 杜如風指當時她未試過賺錢，只識花錢，用完爸爸又繼續給她錢，所以她又繼續揮霍。直到她投身社會工作，才知賺錢不容易，「之後開始工作，坐喺寫字枱一個月先賺到一萬蚊，發覺轉個頭就已經無咗，開始識得揀嘢嚟買，唔好咩嘢都買。」
但她自認有節制，很早便學懂要「忍手」，「我諗十幾歲已經學識，否則就會全部都買晒。我經常覺得如果睇中一樣嘢，如果好貴的話，唔好買住，返屋企諗三日。」三日後，如果仍然很掛住件貨，杜如風就會立即買下來，但如果到了第二日，認為件貨都不是太靚，她便會放棄。
對於購物，杜如風是平貴通殺。「我唔單止買名牌，平貴都會買，又有儲可樂樽，儲咗好多世界上不同嘅可樂樽，又鍾意買figure公仔，總之有好多垃圾，同埋好鍾意買古董嘢，儲vintage物品，我會去女人街美之搵舊衫買，有啲衫真係十八蚊一件，我會好有心機去摷。」
懶理別人看法，她決定繼續我行我素，過自己喜歡的生活。
「我真係一個好逍遙自在嘅人，天跌落嚟當被冚，最好送多個枕頭俾我。」她笑說。 ![杜如風最憎偷食男。]()
- 杜如風最憎偷食男。
採訪：肥A
攝錄：Eddie Cheng
協力：晴晴
場地提供：鮨夢（灣仔麥加力歌街13號）
特別鳴謝：阿翟
髮型：Ken @ ii Alchemy
化妝：Jenny Tziong
----------------------------
和你壹起撐住香港主題海報 全港良心商戶免費派發
了解更多
----------------------------
和你壹起撐徽章 良心商店及網店有售
了解更多
-----------------------------
守住新聞自由 和你撐壹週刊計劃 每月港幣$300起
按此了解更多
- 杜如風最憎偷食男。
來源 source: http://nextplus.nextmedia.com
|
鍾意就快D Share啦！
|
|
|
