2021年6月24日星期四

拍新戲再演豬八戒　黎耀祥內地開工順道搵真銀 #黎耀祥

拍新戲再演豬八戒　黎耀祥內地開工順道搵真銀

祥仔去內地拍新戲順道搵真銀。

黎耀祥4月到橫店為電影《大夢西遊之五行山》開工，戲中他一人分飾兩角，「豬八戒」及「天蓬元帥」。期間除拍戲之外，亦把握機會到不同地方出席活動搵真銀，包括杭州、上海、天津、蘭州、江蘇、廣東等，時間表已排到七月尾。而全程有太太Julia陪伴在側照顧一切，祥仔笑言兩公婆反而多了相處時間，更利用工餘遊覽了杭州不少名勝古迹如西湖、靈隱寺、龍井村等，樂不思蜀，暫時都未有返港時間。