藝人蕭正楠、湯洛雯（靚湯）簡淑兒及利穎怡等，下午於電視城宣傳無綫劇《一笑渡凡間》。談到劇集首播時，阿蕭有場面上長滿紫色毒瘡、瞓山頭待救的戲份，播放時間 ...
Video Player is loading.
Current Time 0:00
Duration 0:00
Remaining Time -0:00
This is a modal window.
The media could not be loaded, either because the server or network failed or because the format is not supported.
Beginning of dialog window. Escape will cancel and close the window.
End of dialog window.
藝人蕭正楠、湯洛雯（靚湯）簡淑兒及利穎怡等，下午於電視城宣傳無綫劇《一笑渡凡間》。談到劇集首播時，阿蕭有場面上長滿紫色毒瘡、瞓山頭待救的戲份，播放時間僅短短1分鐘卻拍足數日，拍攝時他更不停「畀嘢咬」，十分辛苦。阿蕭謂：「嗰個妝會不停喺夢境出現，所以成日要化，每次兩個幾鐘，好多同事幫手。」
靚湯即取笑阿蕭曾索性「打橫瞓」，情況似先人化妝，阿蕭聞言靦覥謂：「知道後冇再做啦，有時唔夠瞓真係冇辦法。（攞番封利是啦。）你畀我？」靚湯又自爆劇中多以捕快造型登場，唯一一場女妝戲被取笑「女扮男裝」，阿蕭即接口：「要有驚艷嘅感覺，我用馬國明望住佢嘅眼神嚟演戲，流晒口水咁。」
靚湯見阿蕭拖男友落水，即大發嬌嗔：「做乜我哋宣傳成日講佢啫？」阿蕭搞笑承諾待馬國明有劇出，自己會踩場贈興，靚湯即說：「咁啱喇，佢喺內地仲有成個月先返，嚟緊《寶寶大過天》宣傳靠你！」談到馬國明折返內地公幹，靚湯坦言男友已逗留約1個月：「佢應該會再留多1個月，所以《寶寶大過天》頭兩次宣傳，佢應該出席唔到。（佢又攞咗你隻公仔同行。）係，已經據為己有，唔知有冇分屍呢？（佢幾時將你據為己有？）呢層要問佢喎。」
