藝人馮盈盈在將軍澳電視城為劇集《逆天奇案》宣傳，劇集6月11日大結局，原來撞正她農曆生日，她謂生日願望希望劇集成績再創新高，她笑說：「6月10日係我新曆生日，所以有好多願望可以用。新曆生日會同屋企人食飯慶祝，但係依家茹素，都辛苦屋企人。」
盈盈透露已經茹素一個多月後，笑謂自覺茹素後心境比以前平和，七情六慾也減少。問到生日沒有男仔約嗎？她說：「有，但係依家工作忙，讀書又要趕交功課，所以不必要嘅約會就免喇。食素之後係好難約我出街食飯，但係茹素係唔會嚇走追求者嘅，只係嚇走食肉獸，哈哈。」
講到，她有份聲演的《好聲好戲》畢業作品《侏羅紀世界》將出街，她指配外語片難度非常高，NG了很多次，最後配了2個多小時才完成。講到在節目中狠批她的王祖藍拍片鼓勵，她說：「佢係一個好Nice嘅高層，佢都係為我好，想幫我紓緩壓力，先係節目中有番嗰評價，希望我學識抽離角色，減少壓力。」
來源 source: http://hk.on.cc
|
鍾意就快D Share啦！
|
|
|
