2021年6月30日星期三

「呀牧」望「田田」NG甜笑 Edan AL《大叔》互獻螢幕初吻

港版《大叔的愛》「浴室初吻」好正。

ViuTV《大叔的愛》昨晚播出第二集，MIRROR成員Edan（呂爵安）和Anson Lo（盧瀚霆、AL）上演日版經典場面之一「浴室初吻」！Edan在社交網上載劇照並留言：「我個螢幕初吻......咁就冇咗......呀牧（指AL角色名）你好過分！！😭😭🤣🤣」，AL也回應指他同樣獻出螢幕初吻。港版台詞亦將日版的「巨根」改為「大支嘢」，夠晒貼地。

AL也在其社交網貼出拍攝片段，他雖然笑場，不過就笑得好Sweet，而且即刻再入戲好專業！Edan指：「望住我會忍唔住甜笑都好正常☺️」，獲對方回覆「幫你綁緊鞋帶呀甜笑～」，戲裡戲外關係都咁好，真係好閃呀。另外，AL凌晨在限時動態透露正拍攝Solo新歌MV，而Edan於今年1月推出的個人歌《E先生連環不幸事件》點擊亦超越500萬次。