早前在ViuTV播出節目《考有Feel》，姜濤為了勝出遊戲，突然左轉斜望站在身後的劉若寶（Polly）胸口，這一幕，確是姜濤經典場面之一。而有幸被姜濤多看兩眼的Polly，即由不起眼的節目美女助手，一度成為焦點，至少有人再提起她，也會說被姜濤斜望那一位。Polly說:「其實當日大家都冇預計過呢個場面，多謝姜濤，令大家留意到Polly，當下會好尷尬，因為有個男人望著你，對方仲要係姜濤，我都唔知應該開心定唔開心。」
- 早前在ViuTV播出節目《考有Feel》，姜濤為了勝出遊戲，突然左轉斜望站在身後的劉若寶Polly胸口，這一幕，確是姜濤經典場面之一。
今年31歲的Polly，性格開朗樂天，加上亮麗外表，參加《全民造星3》的時候，她未正式表演便已被看高一線，可惜當開口唱歌，全程走音，但表演後Polly還表示不知道自己五音不全，被卓韻芝取笑她可以組成女團ERROR。她歌藝一般，但有娛樂性，還有吸引外表，結果令3位評審也決定給多藍燈讓她入圍。
雖然在40強階段便被淘汰，但從此Polly的工作量增加了不少，為了令自己進步，她不停努力進修，跟隨彭秀慧學習演戲，又學唱歌，因為她深明娛樂圈，不可以只靠外殼。
Polly說:「以前有簽公司嘅時候，我已經好想跟彭秀慧學習，但因為當時經濟能力不許可，所以就打消左念頭 ，而家自己投身社會工作後，終於有機會，所以就詢問對方助手，可否報讀彭秀慧的課堂，而最後真的錄取了我，非常開心！」
小時候已經希望入行，但Polly直言家庭環境不太好，所以要做兩份工作幫補家計供妹妹讀書。直至妹妹畢業開始工作，這位家姐終於自由，可以做自己喜歡的事情，於是決定參加《全民造星》追夢。
但早前在節目《考有Feel》，Polly只用「考靚」這個代號擔任美女助手，她坦言曾經不開心。
「當日係監製業仔的嘅助手搵我，仲同我講要擔任助手問我有冇問題，因為本身無簽公司，當下除了《造星》外，希望可以讓大家在電視機看見自己，所以乜嘢都冇諗就應承咗。但答應過後，其實自己也有少許困惑，覺得《造星》後，自己嘅星途好似往下沉，會感覺很不開心。但對我來講都係一個工作機會，我唔想浪費，然後同自己講要開心面對，對住MIRROR、ERROR和小儀，其實都好開心，開始不太介意其他人叫我考靚，可能大家諗起考靚時，都會諗起Polly，係咪用真名示人，現階段其實唔太介意，我覺得如果純粹有個名，能夠令大家記起Polly，咁樣叫考靚其實都無問題。」
屬靚女一族的Polly，只求機會，那怕角色被醜化。「本身喺《囝囝女女730》時都曾經講過，希望可以將歡樂帶給觀眾，我不介意被醜化，因為覺得自己無咩形象，即使玩得瘋癲我都可以接受。」
新丁加入綜藝，她最害怕是被投訴 :「最初唔敢講太多野，擔心自己俾人投，因為我地始終不是主角，擔心其他人會覺得我搶鏡，所以有幾集我甚少說話，但我覺得去到一個不出聲嘅狀況，就會有啲唔似自己，然後有幾集曾經發言，只不過被刪剪了。雖然參與了一個綜藝節目自己沒機會發言，但希望可以有些身體語言或反應，可以給大家看見。」
結果當時「玩得」的Polly，遇著好勝姜濤，節目其中一集姜濤要做口形或發出聲音，令隊友猜中「食奶嘴」3個字，姜濤先嘟嘴裝作進食，然後突然向左斜望站在身後的Polly胸口，這一刻，面對突然變曳的姜濤 Polly也忍不住爆笑地打他一下。
「姜濤望著我，其實當日大家都無預計到呢個場面，多謝姜濤，令大家留意到Polly，當下會好尷尬，因為有個男人望住你，對方仲要係姜濤，我唔知道應唔應該開心。」
幸好和Polly拍拖11年的男友亦沒有介意 : 「佢冇介意，因為Level 1嘅時候，姜濤同我哋一起上課，男朋友亦有參與，大家互相認識，知道佢係一個好可愛嘅小朋友，所以都唔會介意。」
原來Polly和姜濤一起跟隨彭秀慧學演戲，大家是同學，Polly亦大讚這位人氣偶像十分可愛。
「上課時其實他很瘋狂，而且很大膽，估不到他會這樣做，同時他的反應很可愛，只不過上課時沒那麼誇張，喺節目中就瘋狂得多，大家可以睇到姜濤另一面，其實都幾有趣。」她笑說。
- 原來Polly和姜濤是一起跟隨彭秀慧學演戲的同學，Polly亦大讚這位人氣偶像十分可愛。
----------------------------
和你壹起撐住香港主題海報 全港良心商戶免費派發
了解更多
----------------------------
和你壹起撐徽章 良心商店及網店有售
了解更多
-----------------------------
守住新聞自由 和你撐壹週刊計劃 每月港幣$300起
按此了解更多
來源 source: http://nextplus.nextmedia.com
|
鍾意就快D Share啦！
|
|
|
