根據調查機構Demographia最新發表報告，香港連續11年蟬聯全球最難負擔房地產市場，結果冇意外啦。唔使引經據典，大家都知香港樓價有幾黐線，但香港人始終鍾意磚頭，唔少人死慳死抵，就係為儲首期上車，如果用晒成副身家、買着間風水唔好嘅就大鑊。唔使驚，風水樓區區有，新節目《玄途有樓住》就盡畀貼士，等你歎住茶、印住腳都可以搵到風水靚樓。
最叻風水布局、催財催丁嘅莫迪天師傅，會帶埋我哋主播曉柔，深入不毛各區介紹最佳置業位置，第1集就介紹荃灣區。靚女藝人陳靜，今年4月成功以靚價沽出荃灣西站海旁附近屋苑嘅1個中低層單位，勁賺逾300萬，究竟嗰頭嘅風水係咪咁好？對住海係咪就係無敵？1個靚嘅風水屋苑，究竟有咩條件？想知就即刻睇片啦。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
