影帝劉青雲及郭富城早前於內地雲南拍攝新戲，不時獲有網民野生捕獲，戲中造型早已被曝光。近日又有網友巧遇佢哋，不過今次係喺一間火鍋店，原來兩大影帝都愛「烚吓烚吓」，當中劉青雲更來者不拒應粉絲要求合影，盡顯親民。影片流出後，即引來大批網民熱論，直指劉青雲老咗好多，有網友更誇張到話認唔到佢！
片中見佢戴上漁夫帽，留咗一面白鬚，雖然係咁，但見佢嘅身材冇發福，胸肌依舊結實，男人「魅」爆燈！白鬚造型網民似乎唔太Buy，認為老態盡現，畢竟佢已經57歲！而郭富城就獲多位工作人員護航，反而未有停低同粉絲拍照。
此外，逗留內地工作一段時間嘅視帝黎耀祥，亦有現身食店，親民與食客及疑似工作人員合照，更到掛有佢嘅海報下留影，睇嚟佢有份為餐廳代言。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
