已有一對仔女的藝人張頴康，早前宣布太太麥雅緻再添多一名家庭成員，他日前出席劇集宣傳時，透露太太已懷孕7個月，雖然已是兩位小朋友爸爸，但也期待新成員出世，談到太太情況，他表示：「啲人成日話生仔後生生好啲，依家見太太坐好多，又繼續有番電台工作，都驚佢辛苦，但佢鍾意都支持佢。（佗B辛苦？）係攰啲，瞓覺時成日壓住BB，所以瞓得唔好，反而坐梳化好舒服。（你做阿四幫佢買消夜？）不嬲都係我做，依家有時見有垃圾跌落地，都會叫太太執，等佢多啲郁動，同埋一星期帶佢游一次水。」
提到今胎BB性別，張頴康笑指太太一早叮囑他要封嘴，故他也乖乖聽取命令：「第1胎我太快講咗，到第2胎個女爆響口，所以今次仔女都唔知，只知道有個Baby，既然太太想守住秘密先就由佢。（買新衫畀BB？）冇，用番晒哥哥、家姐啲舊衫，條孭帶好有感覺，因為都孭咗好多個，張床仲勁，可以用埋，差不多用咗10年。」問到可會再追第4胎？他說：「唔知，啲人話開刀最多3個，所以都夠3個都好好玩㗎」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
