河南鄭州連場暴雨造成嚴重傷亡，無綫副總經理曾志偉今日傍晚（23日）臨時在將軍澳電視城舉行《風雨同舟 河南加油》記者會，公布香港演藝界藝人將會齊齊拍片，跨平台在香港及內地媒體播放片段，為河南災民打氣與支持，他說：「尋日（22日）同演藝人協會會長古天樂傾過，考慮會唔會做賑災籌款，亦有考慮過用番今日西九個台，星期日去做賑災，但係趕唔切。」
志偉指經開會商討後，決定不會做賑災籌款，以拍片方式送上關心與支持，他說：「依家災情係好嚴重，但係水已經開始退，依家做賑災已經慢咗，亦有好多團體捐錢，籌款已經唔係最重要，諮詢過意見，認為更需要係香港同胞支持、所以決定做呼籲去支持，已經聯絡咗香港各大電視台ViuTV、有線、唱片公司、經理人公司，大家去錄製一啲關心語句去支持、打氣，片段今晚開始會喺各大平台播出。」而一班無綫藝人如陳展鵬、陳自瑤、陳煒、黃智賢、曹永廉、傅嘉莉、林夏薇等亦紛紛響應，第一時間拍片為鄭州打氣，兼向抗災英雄致敬。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
