「少女G.E.M.」炎明熹（Gigi）一直都係無綫歌唱比賽節目《聲夢傳奇》嘅大熱，Gigi人仔細細只得16歲，但佢唱功了得，係唔少網友心目中嘅冠軍之選。但最近傳出有指因Gigi唔肯同無綫簽約，最終三甲不入！
其實早前已有人在網上「洩密」，聲稱有《聲夢》最新戰況，指Gigi同有「不死傳奇」之稱嘅Aeren拎咗最低分，最後佢哋要由新任主理人張敬軒打救，合唱《至少還有你》爭取出線，有傳Aeren終於被Foul！咁啱日前《聲夢》一班學員拍攝奧運主題曲MV時，又有網友發現Gigi黑口黑面，心事重重咁，大合照又或者拍MV時都係企喺最側邊，完全唔似係大熱，相反憑《戀愛預告》人氣急升嘅姚焯菲就表現相當風騷！
雖然Gigi已經被軒仔打救過一次，而今次流傳因佢唔肯簽約致三甲不入，究竟最終賽果係點，真係未知之數，唔知軒仔會唔會再救到佢呢？而Gigi早前受訪時都被問過簽約問題，佢當時話：「應該大家都收到。可能仲要去思考吓，大家都諗緊。」仲指會向歌手之路進發！
本文作轉載及備份之用 來源 source: http://hk.on.cc
|
鍾意就快D Share啦！
|
|
|
