方力申執靚個樣主持東奧 陳約臨為香港運動員打氣
東京奧運會將於7月23日舉行揭幕禮，TVB派出方力申、吳業坤、周奕瑋及陳約臨到日本進行直擊採訪，陳約臨昨日在社交網發文透露大隊將在9日後出發去奧運採訪，她寫道：「去奧運採訪係我嘅主持夢，仲有9日出發，仲有9日就可以實現，仲有9日就可以踏足東京，好好感受，認真投入，香港運動員加油！」
另一邊廂，方力申亦在出發前做好準備，昨日到美容院做Facial執靚個樣，他表示：「下星期就去奧運！做傳媒，去到要自己化妝，依家準備好啲，到時皮膚好啲，自己搞都容易啲！」他早前透露今屆主持個個精通日文或英文，令他大感「淆底」，看來他亦希望「唔講得都睇得」。小方於2004年雅典奧運時，曾在直播中對葉璇講了一句「跟住你串我吖嘛！」，雙方疑似發生爭執，一直傳不和；直至早前小方上谷德昭有份主持的網上節目，才透露這句說話是由當時擔任導演的谷德昭所想出來的橋段，誰知兩人在討論期間就已經進行直播，誤會一直流傳。
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
