藝人錢嘉樂以導演身份現身無綫真人騷節目《盛·舞者》記者會，37年前參加過街舞比賽的他，透露雖然沒有贏得獎項，但跳舞卻為他帶來存在感。問到屆時可會技癢上台表演霹靂舞？他笑說：「依家周身骨痛，諗都冇諗，但最後都被感動到郁幾吓，不過跳完就痛幾日囉！」對於有指他為了該節目推掉工作，錢嘉樂表示只是檔期遷就：「咁曾志偉同王祖藍開到聲，我又覺得呢個節目好適合，原本呢段時間要返內地做真人騷。（損失幾多？）唔知，冇去理，朋友講心唔講金。（咁今次節目有冇酬勞㗎？）咁應該有人工嘅。」
而王君馨則指10多年後再參與舞蹈節目，回憶一下子湧現：「錄影時同啲學員一齊跳舞，一齊Battle好開心，記得有一次差啲被學員Kick到，嬲到我掟咪，幾想衝出去。」更指今次節目共有22位參賽者，藝人及素人各佔一半，過程間需學習如何磨合及溝通。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
