2021年7月21日星期三

李璨琛風雨下外出囡囡瞓身阻止　Lucy撻親求關心媽咪乘機取笑 #李璨琛

李璨琛風雨下外出囡囡瞓身阻止　Lucy撻親求關心媽咪乘機取笑

Lucy見爸爸要外出，不斷指外面好大雨。

李璨琛（Sam）的3歲女兒李元元（Lucy）活潑好動，加上可愛又搞笑的性格，深受網民歡迎。昨日（20日）天文台於中午改掛1跪風球，但黃色暴雨警告信號仍然生效，Lucy見到爸爸換衫打算外出，似乎擔心Sam遇上風雨，不斷重覆「好大雨呀！你唔好出去呀！好大雨呀！」阻止爸爸，而Sam繼續搵衫未有多加理會。

當時被內褲攝着不舒服的Lucy，邊走邊行去窗邊望向外面環境，然後再叫爸爸不要出去，怎料轉身返轉頭時不慎跌倒，就算撒嬌向爸爸求救：「爸爸，我撻親呀！」都未獲父母關心，認真無助又無奈。媽咪將片段放上社交網，她先是取笑囡囡的髮型因「前蔭離岸」有如打風，之後又留言：「好大雨呀！你唔好出去呀！好大雨呀x2，扮關心其實係因為自己都冇得出去，乘機叫個老竇都唔好出去，太大條底褲成日攝住，最後仆親。」而網民半開玩笑留言笑Lucy：「喺屋企都要着晒高踭鞋」、「我撻親呀！我撻親呀！但冇人理」、「要好大聲話畀人知我撻親」、「管理處都知lu」。