周潤發獲浸會大學頒授「榮譽人文學博士」後，即聯同畢業於該校、曾合作電影《無雙》的莊文強導演，與現場200多位大學生舉行分享會。對於由電視演員躍升成為影帝，周潤發即分享以往收劇本後如何準備角色：「會分析每一場戲，好似《無雙》角色係虛，但我要做到實，呃到觀眾，要點做到真？我會係劇本做Mark（記號）...有時對白寫同講唔一樣，要化成角色口脗，所以每場我都重新寫對白、再做一次畀導演睇，要做好足準備，電影關乎到我前途、收入，好緊要，仲關乎到香港電影，支持香港電影係要畀啲心機。」相反遇到劇本麻麻時，他認為演員要放下身段，以謙虛態度協助導演：「依家演員太多顧忌，想做到咁做到咁，外國好多演員係經過訓練，做戲做到好自然，做戲好簡單，我好欣賞吳孟達，你覺得佢演出好誇張，但呢個就係佢嘅角色。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
