七公主｜連日神穩終現身情緒爆發 黃翠如搵監製算帳：你係咪玩嘢
黃翠如在熱播中的TVB新劇《七公主》飾演大家姐顧靈珊，由於角色冷酷又強硬，令她承受壓力。翠如繼早前在社交網突然說「再見」又關閉留言功能，更兩度缺席劇集宣傳活動，情緒令人憂心。
連日來神隱的翠如，終於現身與監製陳維冠（Joe）拍攝最近宣傳片，翠如型格十足地步向Joe，並狠狠說：「Joe！我要同你算帳！搵我做個咁嘅角色？又Cool、又Mean、又要我減十幾磅，咁破格，係咪玩嘢呀？監製？！」
見慣大場面的Joe自然相當淡定，他徐徐解釋謂：「咁角色同性格反差大至過癮㗎嘛。嗱！個結局我仲執（改動）緊，畀啲再啃啲嘅嘢你好冇吖？」原本嬲嬲豬的翠如聞言即忍不住一臉八卦問道：「點啃法？我唔係丹爺個女？」正當以為Joe爆料之際，他卻冷不防謂：「講畀你聽就唔好玩」此時翠如欲再射水槍逼供Joe，豈料卻遭Joe靈活「反擊」，一嘢搶走水槍射番翠如轉頭，並甚有威嚴地拋出一個字： 「走！」嚇得原本看似佔盡上風的翠如瞬間變乖巧，邊說：「Sorry, Sorry, Sorry。」邊急急腳走人，二人整體表現均甚有喜感。
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
