藝人麥美恩做主持及拍劇都出色，在新劇《智能愛人》的表現亦獲讚，但講到她為事業搏殺，愛情方面就好像沒甚聲氣？她笑言：「都覺得人要拼搏之餘，都要識得錫自己，搵個錫自己嘅人，但我日日都係對住陸浩明、森美嗰啲，可唔可以搵啲單身嘅人喺我隔籬？我都反映過，唔係我唔想，但側邊搵極都係畀人Mark實咗。」問到家人可有戥她心急？她笑言：「我阿媽都睇開咗，初初佢都有催，但佢feel到我enjoy個工作環境，所以畀多少少時間我，會出現嘅始終會出現。（你唔心急？）真係唔急。」
講到擇偶條件，她坦言：「有耐性同你傾偈真係唔容易，好容易被電視嘅形象定咗，搵一個終身伴侶要時間，溝通好緊要。（依家有冇人追？）有啲啱傾嘅，但我唔會亂畀錯signal，我發覺我太過熱情要小心啲，因為我太鍾意傾偈，要保持適當距離。（幾多個追求者？）依家同1、2個傾緊偈，圈內、圈外都有，但依家呢個狀態開心，可以認識多啲人，都係識個朋友，唔好諗咁複雜。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
