「小黃妃」成為小「姜糖」 黃澤鋒盼囡囡出人頭地：做女飛魚
黃澤鋒一家三口為黃婉曼（Icy)主持的購物平台做facebook live，全晚最吸睛是2歲的「小黃妃」黃熙恩！開live前，媽咪陳麗麗播放姜濤的hit歌《蒙着嘴說愛你》給小黃妃聽，小「姜糖」雖哼不出歌詞，但隨節奏不停手舞足蹈。
小黃妃不但不害羞，還跟爸媽一齊整「茶碗蒸烏冬」，小黃妃變身小廚神，當食物完成，她急不及待試味，吃得好滋味。黃澤鋒外型粗獷，但原來是「住家男」，每日工作回家後，仍會幫太太分擔家務。他說：「而家世界唔同咗，唔係話返屋企要老婆服待，我哋50幾歲先有小朋友，太太都好偉大，佢照顧家庭湊囡囡都好辛苦，男人唔可以話賺錢返嚟就做大爺。」
黃澤鋒自問家庭觀念很重，也很着緊囡囡的教育：「父母都不能以為請個工人返嚟就搞掂，要教育好小朋友，即使將來我哋行咗去，都要一早幫小朋友預備晒。我最終只希望囡囡健康成長，做個好人，佢讀到幾多書都供佢，讀書好緊要，辛苦十幾年，以後享受幾十年，讀好書將來又可搵份好工，前途都好啲。」除了學業上有要求，他也培訓囡囡對游泳運動有興趣，尤其想她成為「女飛魚」。
黃澤鋒和太太結婚9年才如願得女，視她為天賜禮物，當然特別痛錫小黃妃，囡囡也嗲爆爸爸，他續說：「佢係我尅星，我都冇佢符，對我發爛渣都算數。」太太兩年前生小黃妃時已是52歲的高齡產婦，他們當年「造人」成功，全靠多年來都長期做運動保持健康狀況，所以兩人現想順其自然再生B。黃澤鋒說：「想佢有個伴，仔女都冇所謂，我同太太而家都堅持做運動，希望長壽啲，除咗係陪囡囡多啲，將來就算要熄燈，都唔會令囡囡加重負擔呀！」若將來小黃妃想加入娛樂圈，爸媽都不會反對。
本文作轉載及備份之用 來源 source: http://hd.stheadline.com
|
鍾意就快D Share啦！
|
|
|
