無綫小花朱智賢走出偷食陰霾，並獲無綫放生，現有份為奧運直播節目擔任主持，隨機應變、超水準表現獲網民大讚，成功洗底。
除咗男友謝東閔係裙下之臣外，原來同樣有份主持奧運節目嘅「後生仔」劉頌鵬亦係朱智賢嘅忠實粉絲，唔只開工要望住女神張相做嘢，連平板電腦嘅背景都係用對方嘅靚相，迷戀女神程度達5粒星！佢對住鏡頭做出心心手勢話：「今日返工真係好幸福。」朱智賢忍唔住留言：「依家啲後生仔可唔可以唔好咁毒。」唔知謝東閔會唔會呷醋呢？
謝東閔對於「情敵」出現似乎冇有怕，接受東網訪問時更狀甚輕鬆話：「笑料嚟嘅！（朱朱冇同你講咩？）又冇喎！呢排大家都忙於開工嘛！」而鵬鵬受訪時就否認迷戀朱朱：「因為呢排一齊開咗好多日奧運，所以Friend咗啫，大家每日都開10幾個鐘，係會有啲攰，所以大家玩吓放鬆吓，而且每個同事都會輪流做吓Wallpaper。（向謝東閔挑機？唔驚佢呷醋？）唔會，其實同朱朱工作之外，都冇咩機會見到。（朱朱係咪係女神？）又未去到，但佢個人好Nice，好照顧我哋呢啲後生仔主持。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
