有份主持奧運節目嘅劉頌鵬公然「示愛」朱智賢，「挑機」謝東閔行為夠晒出位，其實現年26歲嘅佢憑校草選舉入行，之後做過Model、拍過電影及廣告等，更曾以新演員身份為《香港電影金像獎》擔任主持之一，又於2019年參加ViuTV選秀節目《全民造星II》，至去年以KOL身份參與無綫節目《#後生仔傾吓偈》開始為人認識，今年正式簽約無綫後即有機會拍劇，頂替另一位「後生仔」劉子碩，「執二攤」拍攝劇集《欺詐劇團》，與鄭丹瑞、敖嘉年、蔣家旻等人合作。
其實佢「爭女」都唔係第1次，早前佢與丁子朗、余德丞等多位小鮮肉亮相節目《Mean Talk》，被問到最想追嘅女藝人，佢竟大爆想追蔡思貝，令在旁嘅蔡思貝緋聞男友余德丞即扮嬲表示：「同我爭？」仲笑指對方完全比唔上：「攞塊鏡照吓先。佢唔夠高，同蔡思貝差唔多高咋。」之後，劉頌鵬再被問到於李佳芯（Ali）及蔡思貝中二選一作為「親熱」對象，佢又再一次堅定選擇蔡思貝，並解畫說：「Ali女神啲，高攀唔起，有啲嘢得唔到仲正。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
