黎明po手繪畫分享合作感受 與張敬軒合唱MV點擊破100萬
黎明（Leon）早前宣佈與張敬軒合作， 原來他們二人將會合唱廣東話版《Old Fashioned》和國語版《乾杯》，歌曲在4號已經上架，在短短的4日間，《Old Fashioned》超過133萬點擊，而《乾杯》更超過240萬點擊，這個「七月撞正……」的驚喜果然沒有令人失望。Leon今日在Facebook出Po，撰文分享同「羅賓」張敬軒合唱的感想，但最令人吸引的，莫過於po文中的手繪畫，有不少網民好奇究竟是出自誰人的手筆，結果黎明直認：「幅圖係我親手畫。」
Leon以「唔會空肚食早餐 VS 食完早餐都空肚」來形容今次的組合：「我同軒的相識係2016年我做咗『明福俠』而佢又唱咗首歌《羅賓》，當年有篇文章係咁寫：『你未必是位超級英雄，但你身邊都總有一位羅賓。一個不問回報，甘願站在副手、配角、幕後或者死黨位置，為你水裡來火裡去的夥伴，當你一仗功成時，亦不忘幫過你的人。』今次和他的合作也似，是緣是情是童真還是意外？ 我同Hins 都是南北混血兒，因我們的父母是分別來自南方與北方，Hins 是一個有領導能力的人，亦從來唔會介意自己空唔空肚，繼續努力！」
他亦多謝一班幕後人的創意：「有一樣可能大家都唔知包括我自己，原來我從來未飲過Old fashioned….咁我就搵機會去試吓，發現原來每一個調酒師調出來的味道分別可以好大，因為除咗基本原材料，美國甜火腿油，日本甜火腿油…等等…當然橙皮係不能缺少，橙都分好多品種，有啲橙原來放喺雪櫃好多日都未開波，啲橙皮嘅味道怪怪哋，有啲調酒師隻手可能搽過Hand cream，會令杯Old Fashioned 有咗薰衣草嘅味！原來味道嘅變化係可以多到數唔到，其中試過一杯叫日本版的係用樹葉，唔係用橙皮，世界咁大，除咗甜酸苦辣，一定仲有好多味道存在，因為味道會帶來不同感受，也會帶來喜與……大家小心保護自己對抗COVID 19 ，因為COVID 19 有機會令人失去味覺。 如果你有心機睇完，就唔好介意撳埋落去！」有不少網民看完MV後，留言說：「文字、音樂都要慢慢細閱，真係『明就明，唔明就黎明』！睇多幾次就明」
|
鍾意就快D Share啦！
|
|
|
