歌手菊梓喬自爆遭恐嚇！她在社交網發文：「傻。變態。恐嚇。我係唔會怕你的。」之後，立刻引起不少網民關心，紛紛留言詢問發生何事，未幾她更把相關帖文刪除。她接受東網訪問，指是本想用私人帳號留言，但錯手在公開專頁發文，更說近日因有位網民在其社交網上留下令她感到恐怖的留言，更說即使已封鎖對方，但對方用其他帳號繼續留言。
至於留言的內容，她說：「類似係話我嗰張相唔笑冇牙，跟住佢自問自答，仲話如果見到我啲牙會繼續剝。我block（封鎖）佢之後，佢繼續留言話我接受唔到呢啲comment（評論），就唔好學人做藝人，但我唔覺得呢啲係comment。字眼上好恐怖，可能佢好憎我啲牙啦，佢嗰段留言真係好恐怖，好似啲恐怖片困你喺一個地方剝牙咁，我覺得真係一個恐嚇，有啲恐怖，因為驚畀啲小朋友見到，所以刪除晒。」
菊梓喬口中所說的恐怖留言，翻查其社交網記錄，見到有一名網民寫：「無牙的嗎？」有其他網民幫菊梓喬反擊，而這位奇怪網民即回應：「話親你個最受歡迎女歌星呀！下次叫佢影相露棚牙畀大家欣賞吓囉！」其實菊梓喬一直受多齒症困擾，復發時會影響進食甚至唱歌，她曾說：「冇得醫，好似十萬個人就有一個人係咁，醫生話冇特別原因點解會有呢個病。」如果該網民真的因為她「多齒」而留言恐嚇，會否又有點多餘？
本文作轉載及備份之用 來源 source: http://hk.on.cc
|
鍾意就快D Share啦！
|
|
|
