早前宣布佗第3胎嘅藝人陳嘉寶（Anjaylia），3年抱3，生得咁密，唔少網民都好奇佢係咪想追仔，Anjaylia喺社交網同網民玩「你問我答」時就詳細回應。佢話生男生女都冇咩感覺，只要BB平安健康就得，而且係好早就決定最好要有3個小朋友，年齡要接近。因為一來可以方便照顧，啲嘢唔使再買，二來小朋友成長時有個伴，而最重要一點係：「過幾年要我重來可能真的沒勇氣了，反而想到小朋友一次過大晒，我哋就可以一次過甩身。」佢強調冇家庭壓力，連老公家人都好驚訝佢哋生3個！
Anjaylia再話，唔明點解咁多人話生仔緊要過生女：「我真心不明白為甚麼會覺得男生比較好跟重要...教得好的話，就是個好孩子吧。真心喜歡孩子的人，其實就會單純的覺得男生女生都一樣。」
由於丈夫係長洲人，竟然有人認為「長洲人生仔有地分」，所以質疑Anjaylia是生仔博分地，佢話生一萬個仔都冇嘢分：「天呀…長洲又不是圍村，他們家祠堂都沒有，只有一間返了幾代的教堂。而且說起地，還是先生的太太爺捐地起教堂的。我們就算生一萬個兒子都沒有東西分，不好意思。反而我們跟大家一樣要更努力工作賺錢給孩子們更好的生活。如果大家想看生仔分家產劇情的話，其實可以去翻睇《溏心風暴》」
之前Anjaylia生頭兩胎，都係生完先公開喜訊，事前做足保密工夫，但今次一有咗就公開，當然又有網民問佢點解。佢解釋因為佗第2胎時，疫情係最嚴重時期，佢基本上都足不出戶，照顧大女同安胎：「看着大家營營役役、勞心勞力的去抗疫和生活，我也實在是沒有心思去講些甚麼…還很記得那時候天天看新聞心情都很差…但最後她平安出生也是有給大家報喜喇！」而到今時今日佢都冇公開小朋友容貌，佢話係佢嘅風格，認為係對小朋友成長比較好嘅方式！
Anjaylia受訪時表示：「多謝大家關心我呀。我當然沒有生氣，請大家都不要太敏感，我跟先生的想法絕對一致，無論是仔是女我們也沒有所謂的，正如我在網上的回應：『請大家別再將女生看低一線。』」
佢又覺得呢個年代女人已經再係男性附屬品，佢話：「唔係話個老公想或者要個老婆生個老婆就要生。我有我身體自主權，因為身體健康狀況好好，亦有自己想要嘅人生生育計劃，所以去先去生。先生好錫我，都好supportive。如果男人天生係生得，佢會好願意去生。可惜，佢生唔到…哈哈。當然，大家如果有類似生育計劃，係真係要好了解自己身體狀況先，中醫西醫都問清楚。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
