藝人岑麗香今午（9日）現身美容店開幕儀式，她表示自己近日有新成就解鎖：「啱啱喺屋企學識咗剪片，因為疫情屋企人少咗見面，所以就諗住學剪片，將平時拍低小朋友嘅生活片段剪輯好，然後送畀屋企人。（有啲咩得意搞笑片段？）都有好多呀，例如有次自製咗杯沙冰畀大仔飲，點知佢攞嚟搽面，哈哈！可能佢平時睇到我哋做有樣學樣，佢鍾意學爸爸打籃球，學我搽護膚品。」
她指大仔剛開始返學，坦言為免自己眼淺唔捨得，故由爸爸負責送返學：「爹哋比較狼心，我負責接放學，我依家要開始畀心機向其他媽咪攞多啲知識，睇吓點樣培養到阿仔成為一個乖同有愛心嘅人。（你會唔會係怪獸家長？）暫時未係！小朋友每日都喺度改變，所以我都要不斷調節去配合，不過最緊要都係搵到個模式，令佢可以健康快樂，發揮到自己。（佢有冇妒忌細佬？）都有少少，所以我成日同佢講細佬係你嘅forever friend、永遠嘅好朋友。」她指因經常抱小朋友難免會手痛，但亦算是福氣一種，好感恩，暫時會放多點時間於家庭。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
