藝人安德尊（大王）同宋芝齡被拍到翹手行街，驚爆戀情！不過呢單係笑料一則，只不過兩人感情太好，好到好似兄妹咁，唔係拍拖關係。
事件爆出之後，兩人接受無綫娛樂新聞台訪問，佢哋再次否認戀情，受訪時大王不時面黑黑，網友仲質疑大王處處針對主持許文軒，大王話：「講咁多嘢做咩，我做咩要回應你，關你咩事先？」、「翹手有咩問題，你理得我哋吖！」、「笑咩呀，你覺得好好笑咩？」句句有骨！宋芝齡即時出手打圓場，不時掌大王嘴，許文軒十分無奈！之後大王同宋芝齡玩到癲，係咁打嚟打去，大王出盡力一掌拍落宋芝齡大髀，打到紅晒，真係睇見都覺得痛！
去到尾段，大王又嚟料，問許文軒：「你仲有冇嘢問，要問就問多五題！」許文軒都忍唔住反擊：「你都冇答我！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
